خۆ هێشتا به‌ ته‌واوی
برینی كۆنت سارێژ نه‌بوو
برینێكی تر له‌ جه‌سته‌دا سه‌ری هه‌ڵدا
تۆ له‌ شاخیش قایم تری
زۆر محاله بتوانن بترمێنن
دڵت له‌ وان گه‌وره‌تره‌
زۆر بێ باكی
ڕۆژ به‌ ڕۆژ...
هێز و گوڕت له‌ جاران زێتر ده‌بی
داستانت پڕه‌ له‌ مێژوو
تۆ بوێر و چاونه‌ترسی
شۆره‌سواره‌كه‌ی سۆرانی
هۆڵاكۆ نه‌یتوانی بتبه‌زێنی
تۆ ته‌نیا نیت...
ئێمه‌ هه‌موو وورد و درشت
له‌گه‌ڵتداینه‌ تا هه‌تایی
له‌ پێناوت خوێن ده‌رێژین
كاسه‌ سه‌ر و چاو ده‌نێژین
دوژمنانت له‌ هه‌ر كوێ بن
گۆرستانیان بۆ ده‌كه‌ین‌
  به‌ مه‌رگ و خوێن
تۆ ڕه‌هبه‌ری...
پێشه‌نگی كاروانی سه‌روه‌رانی
قه‌د نابه‌زی ...
ئێمه‌ش پشت و په‌نای تۆین
هه‌میشه‌ له‌ پێناوت له‌ سه‌نگه‌رین
هه‌تا تۆ ئه‌م قه‌ڵایه ‌و مناره‌ت هه‌بێ
دوژمن پشتی تۆی پێ له‌ عه‌ردی نادرێ
هه‌ر دۆرایه‌ حه‌دی چیه‌
پێت بوێرێ ...
كێ هه‌یه‌ تۆ نه‌ناسێ
ناوت له‌ ناو ئینسكلۆپیدیای
هه‌موو جیهان نووسراوه‌
تۆ شارێكی زۆر كۆن و دێرینی
مادامه‌كێ قه‌ڵا و مناره‌ت له‌ پشته‌
گه‌لیش هه‌مووی بۆت له‌ سه‌ر پێ یه‌
هێز نیه‌ پێت بوێری
خۆشه‌ویستی هه‌موومانی
ئێستاش پایه‌ته‌ختی كوردستانی ....

Comments (0)

Name

Email

Title

Comment

smaller | bigger

Add Comment