له‌لایه‌ن سه‌نته‌ری ئا‌رشیف و ڕۆژنامه‌گه‌ریی کوردستان یادی ١١١ ساڵه‌ی رۆژنامه‌گه‌ریی کوردی له‌به‌ڕواری ١٨/٤/ ٢٠٠٩  له‌شاری هانۆڤه‌ری ئه‌لمانیا کرایه‌وه‌،له‌م رۆژه‌دا  سیمینارێك پێشکێش کرا له‌دوو ته‌وه‌ردا، ژماره‌یه‌کی به‌رچاو له‌رۆناکبیرانی کورد ئاماده‌بوون،سه‌ره‌تا له‌لایه‌ن مامۆستا جه‌مال خه‌زنه‌دار سه‌رۆکی سه‌نته‌ری ئا‌رشیف و رۆژنامه‌گه‌ریی کوردستان به‌خێر هاتنی میوانه‌کان کرا‌،سوپاس و پێزانینی سه‌نته‌ری ئاماده‌ی میوانه‌دووره‌کان کرد که‌بۆ مه‌به‌ستی به‌شداری ئاماده‌بوو بوون،بابه‌ته‌کان به‌م چه‌شنه‌ بوون

١- مامۆستا جه‌مال خه‌زنه‌دار سه‌رۆکی سه‌نته‌ر، بابه‌تێكی مێژووی رۆژنامه‌گه‌ریی کوردی چۆن سه‌ری هه‌ڵدا ، وه‌ئه‌وانه‌ی رۆلیان هه‌بووه‌له‌پێشخستن وخزمه‌تکردنی مێژووی رۆژنامه‌گه‌ریی کوردیدا پێشکێشی کرد.

٢- رۆژنامه‌وانی خوێندکاران له‌هه‌شتاونه‌وه‌ده‌کانی سه‌ده‌ی رابردوو له‌ئه‌وروپا له‌لایه‌ن  نووسه‌ر و رۆژنامه‌نووس عه‌بدولموئمین ده‌شتی  پێشکێش کرا،نمونه‌ی چالاکی  کۆمه‌له‌خوێندکارییه‌کان وكۆمه‌‌له‌ی ئه‌کساو  چه‌ند گۆڤار و رۆژنامه‌یه‌کی ئه‌و سه ر‌ده‌مانی به‌تیڤی شن پێشاندا.

٣- ره‌وشی رۆژنامه‌گه‌ری له‌وولاتانی دوونیای سێهه‌م و تازه‌پێگه‌یشتوو له‌لایه‌ن رۆژنامه‌نووس یوسف منتک پێشکێش کرا،که‌باسی مێژووی رۆژنامه‌ی کرد له‌قۆناغه‌ جیاجیاکان و سه‌ره‌تای گه‌شه‌کردنی له‌سه‌رده‌می ده‌سه‌لاتی بنه‌ماله‌یی ئه‌وروپا و گه‌شه‌کردنی له‌سه‌ده‌ی هه‌ژده‌هه‌م و رۆژنامه‌وانی له‌سیستمی ده‌وڵه‌ته‌سۆسیالیستیه‌کان وله‌و وڵاتانه‌ی له‌سه‌ده‌ی بیسته‌م له‌ژێر چه‌پۆکی ئیمپریالیزم دا رزگاریان بووه‌، ئێستاش له‌ژێر کاریگه‌ری سیستم وکولتوری وڵاتانی ئیمپریالیزم ده‌ناڵێنن ،٤- رۆژنامه‌گه‌ری کوردی له‌مینبه‌ری نێونه‌ته‌وه‌یی و رۆژنامه‌ی ئه‌هلی و به‌دواداچوونی له‌لا‌یه‌ن رۆژنامه‌نووس لوقمان به‌رزنجی پێشکێش کرا ،که‌باسی له‌کاری رۆژنامه‌گه‌ریی له‌ ده‌ره‌وه‌ و ناوه‌وه‌ی وڵات  و چۆنیه‌تی به‌دواداچوونی هه‌واڵ ودابینکردنی خه‌رجی بۆ رۆژنامه‌کان و رۆڵی  ره‌خنه‌یی رۆژنامه‌ ئه‌هلیه‌کانی کوردستان کرد، دواتر له‌لایه‌ن ئاماده‌بووانه‌وه‌‌ بیرورا و  بۆ چوونی جیاواز گۆردرانه‌وه‌.

Name

Email

Title

Comment

smaller | bigger

Add Comment