وێنه‌ی گاله‌ری

Login


Home کۆمه‌ڵایه‌تی لادانی سیَكسی و خیانه‌تی ژن له‌ ژیانی خیَزانداریدا - به‌شی شه‌شه‌م
لادانی سیَكسی و خیانه‌تی ژن له‌ ژیانی خیَزانداریدا - به‌شی شه‌شه‌م Print E-mail
سامان محمد علی احمد
User Rating: / 4
PoorBest 
کۆمه‌ڵایه‌تی
Written by سامان محمد علی احمد   
Sunday, 06 April 2008 03:40

به‌ڵگه‌ی بایۆلۆجی سیَهه‌م , ده‌رباره‌ی كرداره‌ ئه‌كتیڤه‌كانی كۆئه‌ندامی هۆرمۆنه‌كانه‌ و پیَشتر به‌ تیَر و ته‌سه‌لی باسمان كردووه‌ له‌ رِۆڵی هۆرمۆنه‌كاندا له‌ سه‌رهه‌ڵدان و پیَگه‌یشتنی تایبه‌تمه‌ندی رِه‌گه‌زی و سیَكسی لای هه‌ردوو رِه‌گه‌ز .

به‌ڵگه‌ی چواره‌می جوترِه‌گه‌زی له‌و ئه‌نجامانه‌وه‌ ده‌ست كه‌وتن كه‌ تویَژه‌ره‌وه‌كان پیَی گه‌یشتن له‌ ئه‌مریكا و ئه‌وروپا و رِوسیا ؟! , ئه‌ویش دڵنیابونی زانستیانه‌یان بوو له‌سه‌ر ئه‌وه‌ی كه‌ ناوكرِۆكی هایپۆسلامۆس – Hypothlamus  ( له‌ میَشكی ناوه‌نددا ) سه‌نته‌ره‌ سیَكسیه‌ دیاریكه‌ره‌كانی نیَرینه‌ یان میَینه‌ی تیَدایه‌ , ئه‌م سه‌نته‌رانه‌ش له‌ سه‌ره‌تای گه‌شه‌كردنی كۆرپه‌له‌دا دیاری نه‌كراوه‌ , نیَر بیَت یان میَینه‌ ؟ , وه‌ ئه‌م دیاری كردنه‌ی رِه‌گه‌ز , له‌ قۆناغیَكی داهاتودا له‌ گه‌شه‌كردندا رِووده‌دات . گرنگیش ئه‌وه‌ بوو كه‌ زاناكان توانیان بگه‌نه‌ ئه‌و ئه‌نجامه‌ش كه‌ ئه‌گه‌ر هاتوو برِیاردانی جۆری رِه‌گه‌ز رِوی دا و دروست بوو , ئه‌وا زاناكان ده‌توانن پیَچه‌وانه‌ی رِه‌گه‌زی بۆ بكه‌نه‌وه‌ ؟! , واته‌ نیَر بكه‌ن به‌ میَینه‌ ! , ئه‌ویش له‌ رِیَگه‌ی خه‌ساندن یان به‌هۆی رِواندنی پیَكهاته‌ی غودده‌ سیَكسی میَینه‌كان له‌ سه‌نته‌ری رِه‌گه‌زیدا له‌ ناوكرۆكی هایپۆسلامۆدا , یان له‌ رِیَگه‌ی ده‌رزی ئیَندرۆجین و ئیسترۆجین لیَدانه‌وه‌ , هه‌موو ئه‌مانه‌ش ئامرازی به‌ میَینه‌ كردنی نیَرینه‌ن ! . .

هه‌موو ئه‌م بۆچون و رِاستیه‌ زانستیانه‌ جه‌خت له‌سه‌ر ئه‌وه‌ ده‌كه‌نه‌وه‌ كه‌ ژیانی سیَكسی نیَرینه‌ و میَینه‌كان له‌ بنه‌رِه‌تدا له‌ یه‌ك سه‌رچاوه‌وه‌ رِیَچكه‌ هه‌ڵده‌گرن ؟ , ئه‌م یه‌ك بنه‌رِه‌ت و سه‌رچاوه‌یه‌ش له‌ ژیانی كۆرپه‌له‌دا وه‌كو دیارده‌یه‌ك ده‌رده‌كه‌ویَت , به‌ڵام پاشتر ئاراسته‌ی جیابونه‌وه‌ ده‌گریَته‌به‌ر بۆ نیَرینه‌ و میَینه‌ , به‌هۆی فاكته‌ره‌ بۆماوه‌ییه‌كان و باڵانسی هۆرمۆنه‌ سیَكسیه‌ سه‌رچاوه‌ جیاجیاكان . ئه‌م جودابونه‌وه‌یه‌ش ( بۆ نیَرینه‌ و میَینه‌ ) گشتگیر و هه‌مه‌لایه‌نه‌ نییه‌ , و له‌ نزمترین پله‌ی جیابونه‌وه‌دایه‌ لای حاڵه‌ته‌كانی نیَره‌موك , وه‌ به‌شیَوه‌یه‌كی رِیَژه‌یی ئه‌و پله‌ی جیابونه‌وه‌یه‌ زیاد ده‌كات تا له‌ پله‌ به‌رزه‌كانیدا  جیاكردنه‌وه‌ی , له‌ دابرِان و جیابونه‌وه‌ی ته‌واوه‌تی زه‌حمه‌ت دروست ده‌بیَت ؟ , ئه‌گه‌ر هه‌ندیَك دیارده‌ی هه‌ستی و هه‌ڵسوكه‌وتی مرۆڤه‌كه‌ ده‌رنه‌كه‌ویَت . ئه‌مانه‌ش به‌ڵگه‌ن له‌سه‌ر ئه‌وه‌ی له‌ هه‌موو نیَرینه‌یه‌كدا رِیَژه‌یه‌ك گه‌ر كه‌میش بیَت میَینایه‌تی هه‌یه‌ و به‌ پیَچه‌وانه‌وه‌ .

بونی جوترِه‌گه‌زی ناتوانریَت نكوڵی لیَ بكریَت ته‌نها له‌به‌ر ئه‌وه‌ی , هه‌ر یه‌كیَك له‌ ئیَمه‌ سوره‌ له‌سه‌ر ئه‌وه‌ی كه‌ ژیانی سیَكسی هاوشیَوه‌ و ته‌بایه‌ له‌گه‌ڵ ژیانی جه‌سته‌ییدا , به‌ شیَوه‌یه‌كی سروشتی بیَ چه‌ند و چوون ؟! , ته‌نانه‌ت , ناتوانین نكوڵی له‌وه‌ش بكه‌ین كه‌ رِیَژه‌یه‌كی به‌رچاو له‌ نیَرینه‌ و میَینه‌كان , ئه‌وانه‌ی ئاواته‌خوازی پیَچه‌وانه‌ی واقیعیانن ؟ , ده‌خوازن واقیعی جه‌سته‌ییان جوت و ته‌با و هاوشیَوه‌ بیَت له‌گه‌ڵ واقیعی ده‌رونیاندا . .

لاده‌رانی نیَره‌موك زۆر جار  هه‌ندیَك نیشانه‌ی جه‌سته‌ییان تیَدا به‌دی ده‌كریَت , كه‌ زیاتر یارمه‌تیده‌ره‌ به‌ره‌و لادانیان , چی له‌ رِوانگه‌ی كۆمه‌ڵایه‌تی و توانج و تیَبینیه‌وه‌ هه‌ر له‌ منداڵیه‌وه‌ , چی ئه‌و تایبه‌تمه‌ندیانه‌ تیَكه‌ڵ بوبیَت له‌گه‌ڵ جۆریَك له‌ نه‌رگسیه‌ت و تیَبینی خۆیان بۆ تایبه‌تمه‌ندیه‌كانیان !؟ . رِیَژه‌یه‌كیان خۆی رِاستیه‌كانی ئاره‌زوو و حه‌زه‌ نا ته‌ندروسته‌كانی له‌گه‌ڵ رِه‌گه‌زه‌ جه‌سته‌ییه‌كه‌یدا باش ده‌زانیَت و ئه‌مانه‌یان پله‌یه‌كی به‌هیَزترن , هه‌ندیَكیشیان له‌گه‌ڵ بوونی شڵه‌ژانیَكی رِۆڵ ؟ , خیَزان و كۆمه‌ڵگا تایبه‌تمه‌ندیه‌كه‌ ده‌سه‌پیَنیَت به‌ جۆریَك له‌ جۆره‌كان ؟ , رِیَژه‌یه‌كی تریشیان نیَره‌موكی ده‌رونیه‌ نه‌ك جه‌سته‌یی و له‌ رِوی جه‌سته‌ییه‌وه‌ ته‌بایه‌ له‌گه‌ڵ رِه‌گه‌زه‌كه‌یدا به‌ڵام په‌روه‌رده‌ی نا به‌رپرسیار و به‌ تایبه‌تی ژینگه‌ خیَزانی و كۆمه‌ڵایه‌تیه‌ نزیكه‌كه‌ی ؟! , ئه‌و شڵه‌ژانه‌ ده‌رونیه‌یان لا دروست كردووه‌ بۆ پشیَوی رِۆڵی سیَكسی و پیَچه‌وانه‌ی سیَكسی !؟ . رِیَژه‌ی هه‌ره‌ زۆری نیَره‌موكه‌ رِاسته‌قینه‌كان ئاره‌زوو وه‌ كۆشش ده‌كه‌ن بۆ گۆرِینی رِه‌گه‌زه‌كه‌یان ؟ , و هه‌رِه‌شه‌ی خۆ كوشتن ده‌كه‌ن ؟! , گه‌ر ئه‌م ئاره‌زووه‌یان جیَبه‌جیَ نه‌كریَت ؟! , رِیَژه‌یه‌كی زۆری ئه‌مانه‌شیان هه‌رِه‌شه‌كانیان جیَبه‌جیَ ده‌كه‌ن . پرۆسه‌كانی نه‌شته‌رگه‌ری رِه‌گه‌ز تا ئیَستا له‌ نیَرینه‌وه‌ بۆ میَینه‌ سه‌ركه‌وتنی به‌ ده‌ست هیَناوه‌ به‌ به‌راورد به‌ گۆرِینی میَینه‌ بۆ نیَرینه‌ , هه‌رچه‌ند رِیَژه‌ی هه‌ره‌ زۆری ئه‌و نیَرینانه‌ش كه‌ گۆرِاون بۆ میَینه‌ , پاشتر توشی نه‌هامه‌تیه‌كی تر ده‌بنه‌وه‌ كاتیَك به‌هۆی نه‌بونی منداڵدان و نه‌بونی توانای دروست كردنی منداڵ ؟ , میَینایه‌تیه‌كه‌یان له‌ پرۆسه‌ی سیَكس تیَپه‌رِ ناكات بۆ ئه‌زمونی دایكایه‌تی كه‌ به‌ په‌رۆشه‌وه‌ن بۆی !؟  , و میَینایه‌تیان نیوه‌ ناته‌واوه‌ و پاش پرۆسه‌ی نه‌شته‌رگه‌ریه‌كه‌ش چانسی گه‌رِانه‌وه‌یان نامیَنیَت بۆ رِه‌گه‌زی پیَش نه‌شته‌رگه‌ریه‌كه‌ !!؟ . یه‌كه‌م نه‌شته‌رگه‌ری له‌ میَژودا بۆ گۆرِینی نیَره‌موكیَكی ئه‌مریكی ئه‌نجامدرا , به‌ زنجیره‌یه‌ك نه‌شته‌رگه‌ری و چاره‌سه‌ری هۆرمۆنی له‌ ووڵاتی دانیمارك ساڵی 1951 – 1952 , ناوی خۆیشی گۆرِی له‌ جۆرج جۆرجنس بۆ كریستین جۆرجنس . لای خۆمان دیارده‌كه‌ نامۆ نییه‌ به‌ڵام رِیَژه‌كه‌شی به‌رده‌ست نییه‌ ؟ . له‌ ووڵاتیَكی وه‌كو سوید سه‌رژمیَریه‌كان ده‌ریان خست كه‌ , یه‌ك كه‌س له‌ نیَوان هه‌موو ( 37000 ) نیَردا نیَره‌موكه‌ و بۆ رِه‌گه‌زی میَینه‌ش ( هه‌ر له‌ سوید ) یه‌ك ئافره‌ت له‌ هه‌موو ( 103000 ) ئافره‌تیَك نیَره‌موكه‌ .

د – لادانه‌كانی گۆرِانی شیَواز و مۆركی تایبه‌تمه‌ندیَتی سیَكسی ؟ .

چه‌ند شیَوازیَكی جیاجیای لادانی سیَكسیه‌ و شیَوازه‌ جیاكانیش پشت ده‌به‌ستیَت به‌ تایبه‌تمه‌ندی شڵه‌ژانه‌ ده‌رونی و ئه‌قڵیه‌كانی كه‌سی لاده‌ر , بۆیه‌ ده‌گۆرِیَت له‌ كه‌سیَكه‌وه‌ بۆ كه‌سیَكی تر ؟ , وه‌ ته‌نها گه‌یشتن به‌ لوتكه‌ی چیَژ وه‌رگرتنی سیَكسی خاڵی سه‌قامگیر و هاوبه‌شی هه‌موو شیَوازه‌كانه‌ . به‌ واتایه‌كی تر ئامانج یه‌كیَكه‌ و شیَوازه‌ لاده‌ره‌كان ناجۆر ؟ . زۆربه‌ی جاریش له‌م لادانانه‌دا چیَژوه‌رگرتنی سیَكسی له‌ كرداره‌ سیَكسیه‌كه‌وه‌ رِاسته‌وخۆ وه‌ده‌ست ناخریَت بۆ لاده‌ره‌كه‌ ؟ ,  به‌ڵكو شیَوازه‌ لاده‌ره‌كه‌ قه‌ره‌بوی ئه‌و له‌زه‌ته‌ ده‌كات و جوتبونی سیَكسی ته‌نها پاساوه‌ یان هه‌لی ده‌رخستنی پشیَویه‌ ئه‌قڵی و ده‌رونیه‌ بنه‌رِه‌تیه‌كه‌یه‌ ؟! .

خاڵیَكی گرنگ لیَره‌دا كه‌ پیَویسته‌ ئاماژه‌ی پیَ بكریَت ؟ , بۆچونه‌ جیاوازه‌كانه‌ بۆ لادانی سیَكسی و دیاری كردنی شیَوازه‌كانی گه‌یشتن به‌ لوتكه‌ی چیَژ له‌ په‌یوه‌ندیه‌كه‌دا ؟ , چونكه‌ ئه‌مه‌یان جیاوازه‌ به‌پیَی ئاستی تیَگه‌یشتن و كراوه‌یی میَشك و جیاوازی شارستانیه‌ت و داب و نه‌ریت ! . هه‌ندیَك خه‌ڵك و گروپی پاریَزگار و رِه‌وتی ئاینی , كرداری سیَكسی سروشتی به‌رته‌سك ده‌كه‌نه‌وه‌ ؟ , وه‌ سنورداری ده‌كه‌ن بۆ جۆریَك یان شیَوازیَك به‌ ته‌نها یان ژماره‌یه‌كی كه‌م ؟ , به‌ بۆچونی ئیَمه‌ش ئه‌م تیَرِوانینه‌ بیَجگه‌ له‌وه‌ی پاڵنه‌ریَكه‌ بۆ یاخی بوون و لادان ؟ . یه‌كه‌م , به‌تاڵ كردنه‌وه‌ی سیَكسه‌ له‌ په‌یوه‌ندییه‌كی خۆشه‌ویستی و سۆزداری چیَژ به‌خش ! , دووه‌م , جۆریَك له‌ بیَزاری و دووباره‌ كردنه‌وه‌ی ئامیَر ئاسایه‌ ! , تا وای لیَ دیَت هاوسه‌ره‌كان وه‌كو كرداریَكی میكانیكی له‌به‌ر كراوو به‌ چاو نوقاندن ئه‌نجامی بده‌ن ؟! . ئه‌مه‌ش خزمه‌ت به‌ گرنگترین ئامرازی له‌ یه‌كتر نزیكبونه‌وه‌ی هاوسه‌ره‌كان ناكات , به‌ تایبه‌تیش چونكه‌ چالاكی سیَكسی سۆزداری هاوسه‌ر و جووته‌كان ناكریَت هاوتا و به‌راورد بكریَت به‌ دراویَكی ئه‌ندازه‌یی ؟ . وه‌كو ئه‌وه‌ی كه‌ ده‌ڵیَت رِاسته‌ هیَڵ نزیكترین دوری نیَوان دوو خاڵه‌ ! , چونكه‌ ئه‌گه‌ر به‌پیَی ئه‌م بۆچوونه‌ بیَت , ئه‌وا په‌یوه‌ندی سیَكسی ده‌بیَت رِاسته‌وخۆو به‌بیَ پیَشه‌كی ته‌نها ئه‌رك به‌جیَهیَنانی به‌تاڵكراوه‌ له‌ سۆزداری و نویَكاری جموجوڵه‌كان بیَت !؟ , ئه‌نجامدانی كرداره‌كه‌ش له‌م رِوانگه‌وه‌ بیَ ناوه‌رِۆكه‌ له‌ گۆرِانكارییه‌كان و هونه‌ری داهیَنانی سروشتی پیَش و پاش په‌یوه‌ندییه‌ سیَكسیه‌كه‌ !! . به‌ داخه‌وه‌ زۆربه‌ی هه‌ڵگرانی بیروباوه‌رِی ئاینی و زۆریَك موریدیان له‌ خه‌ڵكی ساویلكه‌ , ئه‌م هه‌ڵویَسته‌ پاریَزگار و چه‌قبه‌ستووه‌ بیَ نه‌رم و نیانیه‌ی هه‌ڵگرتووه‌ و گشتاندنی بۆ ده‌كات ده‌رباره‌ی بابه‌ته‌ سیَكسیه‌كان ؟ , به‌ برِوای ئه‌مانه‌ش ئه‌وه‌ی له‌و چوارچیَوه‌ و پره‌نسیپانه‌ ده‌ربچیَت كرداریَكی نابه‌جیَ و لاده‌ر و گوناهكاره‌ !؟ . هه‌ر ئه‌م بۆچونه‌ش له‌ كۆمه‌ڵگاكه‌ماندا بووه‌ته‌ هۆكاری خه‌فه‌ كردن و شاردنه‌وه‌ی كرداره‌ سیَكسیه‌كان و شیَوازه‌كانی , به‌ڵام ئه‌بیَت ئه‌وه‌ش بگوتریَت كه‌ , سه‌ره‌رِای ئه‌وه‌ش به‌ڵگه‌ زۆرن و ده‌یسه‌لمیَنن كه‌ خه‌ڵك له‌ رِاستیدا و له‌م رِۆژگاره‌دا , له‌و هیَڵه‌ رِاسته‌ی ئه‌وانه‌ نه‌خشاندویانه‌ دوور ده‌كه‌ونه‌وه‌ , و خۆشبه‌ختانه‌ ته‌كنۆلۆجیای نویَ و ئامرازه‌كانی گه‌یاندن له‌ ماڵه‌كاندا بوونه‌ هۆكاری چاوو كراوه‌یی زۆریَك له‌ خه‌ڵك و ئیَستا به‌ شیَوه‌یه‌كی عه‌مه‌لی و پراكتیكی حیكمه‌ته‌كه‌ی( نسائكم حرسكم , ئاتوو حرسكم ئه‌نى شئتم ) جیَبه‌جیَ ده‌كه‌ن له‌ كرداره‌ سیَكسیه‌كانیاندا !؟ . ته‌نانه‌ت به‌ڵگه‌ش زۆرن كه‌ ده‌یسه‌لمیَنن ؟ , زۆربه‌ی شیَخ و مه‌لا و رِیش ( رِدیَن ) دریَژه‌كانیش , له‌م رِۆژگاره‌دا له‌ رِیَگه‌ی چه‌ناڵه‌كانی سه‌ته‌لایته‌وه‌ وه‌عز و ده‌وره‌ی !! , سیَكسی ده‌كه‌نه‌وه‌ و بواریان بۆ رِه‌خساوه‌ !؟ , به‌ تایبه‌تیش چونكه‌ ئه‌و ئامیَرانه‌ له‌ ژوری نوستنه‌كانیان داده‌نیَن و بڤه‌ و قه‌ده‌غه‌ی ده‌كه‌ن له‌ خه‌ڵك و منداڵه‌كانیان ( گوایه‌ بۆ ئه‌وه‌ی ئاگایان له‌ نویَكاریه‌كانی ئاینه‌كه‌یان بیَت ! ؟ , به‌بیَ ئه‌وه‌ی بیر  بكه‌نه‌وه‌ له‌وه‌ی كه‌ ئه‌و ئاینه‌ له‌ رِۆژی الیوم اكملت لكم دینكم ه‌وه‌ ده‌رگای نویَكاری داخستووه‌ !!؟ . ) . به‌م شیَوه‌یه‌ش زۆربه‌ی ئه‌وانه‌ له‌م رِۆژگاره‌دا له‌ شیَوازه‌كانی نیَره‌كه‌ر و كه‌رویَشك و كه‌ڵه‌شیَر و چۆله‌كه‌وه‌ , كلتوری كۆنی سیَكس ! , پیَشكه‌وتوون بۆ شیَوازه‌كانی فه‌ره‌نسی و ئیتالی و هیندی به‌ ئاجا ئاجا و رِیشی دریَژ و میَزه‌ره‌وه‌ جه‌زبه‌ ده‌یانگریَت ؟! .

ئه‌م دوور كه‌وتنه‌وه‌یه‌ له‌ هیَڵه‌ رِاسته‌كه‌وه‌ شتیَكی تازه‌ نییه‌ له‌ میَژوی مرۆڤایه‌تیدا و پاشماوه‌كانی رِابوردوو پشترِاستی ده‌كه‌نه‌وه‌ ؟ , بابه‌تی تازه‌ ته‌نها به‌ربڵاوی و رِیَژه‌ی زۆری گۆرِانكاری شیَوازه‌كانه‌ و دووركه‌وتنه‌وه‌یه‌ له‌م سه‌رده‌مه‌ماندا , به‌ شیَوه‌یه‌ك كه‌ له‌ توانادا نییه‌ و یان زه‌حمه‌ته‌ بتوانریَت سنوریَكی جیاكه‌ره‌وه‌ دابنریَت له‌ نیَوان كرداره‌ سروشتیه‌كه‌ و شیَوازه‌ لاده‌ره‌كان له‌ كرداره‌ سیَكسیه‌كاندا ؟؟ . هه‌ندیَك له‌ زانایان برِوایان وایه‌ كه‌ سنوری جیاكه‌ره‌وه‌ ژماره‌یی – ئامارییه‌ ؟! . واتا ئه‌گه‌ر زۆرینه‌ شیَوازه‌ سیَكسیه‌كه‌ی ئه‌نجامدا بۆ گه‌یشتن به‌ چیَژ , ئه‌وا سروشتیه‌ . وه‌ ئه‌گه‌ر كه‌مینه‌ شیَوازه‌كه‌ی ئه‌نجامدا ئه‌وا كاریَكی لادانه‌ !؟ . به‌ڵام ئه‌م بۆچوونه‌ وه‌ك پره‌نسیپیَك ئه‌وه‌ له‌به‌ر چاو ناگریَت كه‌ هه‌ندیَك شیَوازی كرداری سیَكسی له‌ سه‌ره‌تادا ژماره‌ و رِیَژه‌كه‌ی زۆر كه‌مه‌ و پاشان ژماره‌ی رِه‌چاوكه‌رانی زیاد ده‌كات !؟ , ئه‌گه‌ر جاران له‌ رِیَگه‌ی كانی ئاوه‌وه‌ ژنانی كورد ئه‌زمونه‌ نویَكاریه‌كانیان گواستبیَته‌وه‌ بۆ نه‌وه‌ تازه‌كان ئه‌وا ئیَستا ئامرازه‌كانی گه‌یاندن ! , نویَكاریه‌كانی گه‌یاندۆته‌ سه‌ر جیَگه‌ی نوستن !؟ . له‌ سه‌ر ئه‌رزی واقیعیش ئه‌م رِاستیه‌ رِووی داوه‌ ! , بۆ نمونه‌ شیوازی سیَكسی ده‌سارِی كوردی له‌وانه‌یه‌ تا پیَش ساڵانی حه‌فتاكانی سه‌ده‌ی رِابوردوو زۆر ده‌گمه‌ن بوبیَت هه‌رچه‌ند هه‌موو گه‌لانی جیهان له‌ قۆناغه‌كانی پیَشكه‌وتندا ده‌ستارِیان به‌كار هیَناوه‌ و پیَویستیه‌كی ژیانه‌ بۆ هارِینی دانه‌ویَڵه‌ !؟ . به‌ڵام ئه‌وه‌تا ئیَستا سیَكسی ده‌ستارِی كوردی به‌ جیهانی بووه‌ ته‌نانه‌ت پیَش عه‌وله‌مه‌ش ! , و زۆرینه‌ی هاوسه‌ر و جووته‌كان ئه‌نجامی ده‌ده‌ن و به‌ فه‌ره‌نسی و له‌ هه‌ندیَك جیَگا به‌ هیندی ناو ده‌بریَت !؟ ( ئافره‌ته‌كه‌ له‌ سه‌ره‌وه‌ی پیاوه‌كه‌ داده‌نیشیَ و چوكی له‌خۆی ئاخنیوه‌ و وه‌كو ده‌سارِ یان ده‌ستارِی كورده‌واری كۆن , ده‌خولیَته‌وه‌ به‌ ده‌وری خۆیدا به‌سه‌ر پیاوه‌كه‌وه‌ و مافی خۆیشیَتی ؟! , یان هه‌ندیَك ئافره‌ت و پیاو ئه‌وه‌نده‌ی یه‌كتر به‌ كۆ ئه‌ندامی زاوزیَشه‌وه‌ ده‌مژن و ماچ ده‌كه‌ن له‌وانه‌یه‌ ئه‌گه‌ر برایه‌كیشیان له‌ به‌ره‌ی جه‌نگیَكی كاولكاریه‌وه‌ تازه‌ گه‌رِابیَته‌وه‌ ئه‌وه‌نده‌ی ماچ نه‌كه‌ن !! . ئه‌مه‌شیان هه‌ر مافی خۆیانه‌ ! , به‌ مه‌رجیَك ته‌نها به‌ ئه‌م رِیَگاچاره‌یه‌ نه‌گه‌نه‌ لوتكه‌ی چیَژ وه‌رگرتنی سیَكسی !!؟ . ) كه‌واته‌ هه‌ندیَك نه‌رم و نیانی لیَره‌دا پیَویسته‌ , هه‌رچه‌ند زۆربه‌مان تا ئیَستا ئه‌وه‌مان پیَ هه‌زم ناكریَت , له‌وانه‌یه‌ له‌به‌ر ئه‌وه‌ی هه‌ر ئه‌و ده‌مه‌ پاشتر بۆ خواردن یان یه‌كتر ماچكردن به‌كار بهیَنین یان له‌به‌ر ئه‌وه‌ی هه‌ر به‌و ده‌مه‌ ناچارین رِۆژی چه‌ند جاریَك منداڵه‌كانمان ماچ بكه‌ین !!؟ . .

له‌ یه‌كیَك له‌ چیرۆكه‌ گاڵته‌ و گه‌په‌كاندا و بۆ زاخاوی میَشك ! , ده‌گیَرِنه‌وه‌ گوایه‌ پیاویَكی به‌ ساڵا چووی كورد له‌ گونده‌كه‌یانه‌وه‌ دیَته‌ شار بۆ نه‌خۆشخانه‌ , له‌ویَ تاقیكردنه‌وه‌ی پزیشكی جۆری خویَنی بۆ ده‌كه‌ن , ئه‌و كچه‌ په‌رستیاره‌ی ده‌رزیه‌كه‌ ده‌چه‌قیَنیَت به‌ په‌نجه‌ به‌رانه‌ی پیاوه‌ پیره‌كه‌دا , چه‌ندی ده‌گوشیَت په‌نجه‌كه‌ خویَنی لیَنایه‌ت , كچه‌ په‌رستیاره‌كه‌ش ده‌ست ده‌كات به‌ مژینی په‌نجه‌ی پیره‌ پیاو , ئه‌ویش ختوكه‌ی دیَت و پیَی خۆش ده‌بیَت , پاش ئه‌وه‌ی په‌رستیاره‌كه‌ فه‌حسه‌كه‌ی بۆ ته‌واو ده‌كات , پیره‌ پیاو به‌ كچه‌ په‌رستیاره‌كه‌ ده‌ڵیَت ده‌ی توخوا دایكی دایكم به‌شكه‌م فه‌حسیَكی میزیشم بۆ بكه‌یت !!؟ . ئه‌م حیكایه‌ته‌ ئه‌گه‌ر بۆ پیَكه‌نینیش بیَت ؟ , به‌ڵگه‌یه‌ له‌سه‌ر بوونی رِۆشنبیری گشتی لای خه‌ڵكی كورد به‌م شیَوازه‌ی سیَكس یان وروژاندنی سیَكسی ده‌م واته‌ – Orale Sex ؟؟ ..

هه‌ندیَكی تر له‌ زانایانی ده‌رونناس , سنوری جیاكه‌ره‌وه‌ی نیَوان كرداری سیَكسی سروشتی و كرداره‌ لاده‌ره‌كه‌ له‌سه‌ر بنه‌مای هاوسۆزی بۆ شیَوازه‌كه‌ و رِه‌زامه‌ندی دوو جه‌مسه‌ره‌كه‌ ده‌ستنیشان ده‌كه‌ن ؟! . واته‌ به‌پیَی ئه‌م زانایانه‌ , كرداره‌كه‌ هه‌ر شیَواز و جۆریَك بیَت به‌ لادان ئه‌ژمار ناكریَت ئه‌گه‌ر به‌پیَی رِیَككه‌وتنی دوو جه‌مسه‌ره‌كه‌ و خواستیان بیَت . ئه‌م پره‌نسیپه‌ی سه‌ره‌وه‌ش هه‌ندیَك په‌ندی كلتوریمان بیر ده‌خاته‌وه‌ ؟ . عه‌ره‌ب ده‌بیَژیَت التیور على اشكالها تقع !؟ . كوردیش ده‌بیَژیَت ته‌یری گول ( گه‌رِوگول ! ) له‌سه‌ر داری زه‌قنه‌بووت ده‌نیشیَته‌وه‌ ؟! . چونكه‌ ئه‌گه‌ر به‌پیَی پیَوه‌ری ئه‌م زانایانه‌ بیَت ئه‌وا هاورِه‌گه‌زی نیَر و میَ و زۆربه‌ی جۆره‌كانی تری لادانی سیَكسی , له‌ بازنه‌ی لادانی سیَكسی ده‌رباز ده‌بن ؟ , چونكه‌ زۆربه‌ی ئه‌م لادانانه‌ , سۆز و رِه‌زامه‌ندی دوو جه‌مسه‌ره‌كه‌ی تیَدایه‌ ؟!! .

له‌وانه‌یه‌ گرنگترین بابه‌ت له‌م جۆره‌ لادانانه‌دا سادیزم و ماسۆشیزم بیَت به‌ڵام پیَشه‌كی پیَویسته‌ رِۆشناییه‌ك بخه‌ینه‌ سه‌ر سادۆماسۆشیزم – Sadomasochism . لیَره‌دا زاراوه‌كه‌ له‌ دوو لایه‌ن پیَك دیَت , یه‌كه‌میان سادیه‌ته‌ به‌واتای ئازار پیَگه‌یاندنی كه‌سه‌كه‌ی تر له‌ پرۆسه‌ سیَكسیه‌كه‌دا وه‌كو مه‌رجیَك بۆ سه‌رهه‌ڵدانی وروژاندنی سیَكسی یان گه‌یشتن به‌ لووتكه‌ !؟ . لایه‌نی دووه‌می زاراوه‌كه‌ ماسۆشییه‌ته‌ یان مازۆخی , به‌ واتای وه‌رگرتنی ئازاری ده‌رونی یان جه‌سته‌یی یان هه‌ردووكیان له‌ كه‌سه‌كه‌ی تری پرۆسه‌ سیَكسیه‌كه‌وه‌ , وه‌كو مه‌رجیَك بۆ سه‌رهه‌ڵدانی وروژاندنی سیَكسی یان گه‌یشتن به‌ لووتكه‌ ؟! .

تویَژینه‌وه‌ زانستیه‌كان له‌ پیَشینه‌ی ژیانی سیَكسی تاكه‌كاندا سه‌لماندیان كه‌ , زۆربه‌ی خه‌ڵك هه‌ست به‌ جۆریَك له‌ له‌زه‌ت و
چیَژ ده‌كه‌ن یان قۆناغی له‌زه‌ت و چیَژ لایان دروست نابیَت و ناوروژیَت یان به‌ په‌له‌ دروست ده‌بیَت لایان ؟ , كاتیَك برِیَك , زۆر و ئازار پیَگه‌یاندن رِه‌چاو ده‌كه‌ن و ئه‌و ئازاره‌ ده‌گه‌یه‌نن به‌ هاوسه‌ره‌ سیَكسیه‌كانیان ؟ , چی ئه‌و ئازاره‌ ده‌رونی بیَت یان جه‌سته‌یی ؟ , ئه‌مانه‌شیان زیاتر پیاوه‌كانن ؟! , به‌ پیَچه‌وانه‌ی ئافره‌ته‌كان كه‌ هه‌ست به‌ له‌زه‌ت و چیَژ وه‌رگرتن له‌ پرۆسه‌ی سیَكس ده‌كه‌ن و ئاره‌زویان زووتر ده‌وروژیَت ئه‌و كاتانه‌ی برِیَكی شیاو ئازاری جه‌سته‌یی و ده‌رونیان پیَده‌گات له‌ لایه‌ن هاوسه‌ره‌ سیَكسیه‌كانیانه‌وه‌ , له‌ كاتی پرۆسه‌كه‌دا یان وه‌كو پیَشه‌كیه‌ك !؟ . هه‌ردوو حاڵه‌ته‌كه‌ی سه‌روه‌ به‌ سروشتی داده‌نریَت و نارِواته‌ چوارچیَوه‌ی لادانه‌وه‌ ؟ , به‌ مه‌رجیَك ئازار پیَگه‌یاندن یان ئازار وه‌رگرتن له‌ سنوری ژیری و شیاویدا بمیَنیَته‌وه‌ و شویَنه‌واری ده‌رونی و جه‌سته‌یی له‌سه‌ر كه‌سه‌كه‌ به‌جیَنه‌هیَڵیَ  ؟ , به‌ واتایه‌كی تر له‌ رِیَز و كه‌سایه‌تی به‌رامبه‌ر و نه‌رم و نیانی و جوانی له‌ش و لاری كه‌م نه‌كاته‌وه‌ , له‌ رِوی جه‌سته‌ییه‌وه‌ چرِنوك شویَنه‌واری نه‌بیَته‌ برین , قورنچك شویَنه‌واری مۆر و سور به‌جیَ نه‌هیَڵیَ , و گازگرتن نه‌بیَته‌ برسیَتی بۆ گۆشت خواردن , و گوشین په‌راسوی تیَدا نه‌شكیَ !!؟ . وه‌ به‌ هیچ شیَوه‌یه‌ك سروشتی و ته‌ندروست نییه‌ كاتیَك له‌زه‌ت و چیَژ وه‌رگرتنی سیَكسی به‌ شیَوه‌یه‌كی بنه‌رِه‌تی و رِاسته‌وخۆ پشت ده‌به‌ستیَت به‌ كرداری وه‌رگرتن یان گه‌یاندنی ئازار ؟! , یان ئه‌و كاتانه‌ی كه‌ لای لاده‌ره‌كه‌ , ئازاره‌كه‌ بۆ خۆی ده‌بیَته‌ له‌زه‌ت و چیَژ له‌ پرۆسه‌كه‌دا و پرۆسه‌كه‌ ته‌نها پاساوی گه‌یشتن به‌ ئازاره‌كه‌یه‌ !؟ . .

لیَره‌دا  پرسیاریَك سه‌ر هه‌ڵده‌دات ئه‌ویش , ئایا له‌زه‌ت و چیَژی سادیزم و ماسۆشیزم ته‌نها له‌ بابه‌ته‌ سیَكسیه‌كاندا ده‌رده‌كه‌ویَت ؟؟ , یان تیَپه‌رِ ده‌بیَت بۆ ئه‌وه‌ی لایه‌ن و چالاكیه‌كانی تری ژیانی مرۆڤ بگریَته‌وه‌ كه‌ دورن له‌ سیَكس ؟؟ .  چونكه‌ له‌ ژیانی رِۆژانه‌دا نامۆ نییه‌ خه‌ڵكانیَك ببینین چیَژ وه‌رده‌گرن له‌ ئازاردانی خه‌ڵكی تر به‌بیَ ئه‌وه‌ی پرۆسه‌كه‌ سیَكس بیَت !؟ . یان خه‌ڵكانیَك چیَژ وه‌رده‌گرن له‌ كاتی ئازار پیَگه‌یاندنیانه‌وه‌ له‌ لایه‌ن خه‌ڵكی تره‌وه‌ یان خۆیان !!؟ . سایكۆپاسه‌كان بۆ برینی موسی سه‌ر جه‌سته‌یان ختوكه‌ و له‌زه‌تیان پیَ ده‌گه‌یه‌نیَت و پاش خۆبریندار كردن هیَور ده‌بنه‌وه‌ !؟ , عه‌نته‌ری كورِی شه‌داد كه‌ جه‌نگاوه‌ریَكی رِه‌ش پیَسته‌ بۆ له‌ شیعریَكیدا ئه‌و ساته‌ی كه‌ له‌ جه‌نگدا شمشیَری بریقه‌داری دوژمنه‌كه‌ی , ده‌چه‌قیَته‌ لاشه‌ رِه‌شه‌كه‌یدا ددانه‌كانی عه‌بله‌ی خۆشه‌ویستی له‌ كاتی پیَكه‌نیندا دیَته‌وه‌ یاد و حه‌ز ده‌كات زووزوو شمشیَری دوژمن بچه‌قیَته‌ جه‌سته‌یدا !؟ , بۆ ئه‌وه‌ی زیاتر ده‌مه‌ پیَكه‌نیناویه‌كه‌ی عه‌بله‌ی له‌به‌ر چاوو بیَت ؟!! . بۆ شیعه‌كانی جیهان تا رِاده‌یه‌ك و شیعه‌كانی عیَراق به‌ تایبه‌تی ئه‌و هه‌موو رِیَگه‌ دورودریَژه‌ ( هه‌ندیَكیان به‌ پیَ خاوسی ! ) ده‌برِن و به‌و شیَوه‌یه‌ ئازاری خۆیان ده‌ده‌ن و خۆیان خویَناوی ده‌كه‌ن له‌ پیَناوی كه‌سیَكدا كه‌ خواكه‌یان عومری ته‌واو كردووه‌ و كوشتویه‌تی پیَش زیاتر له‌ ( 1300 ) ساڵ ؟ , مه‌گه‌ر كه‌س به‌بیَ ئه‌مری خوا ده‌مریَت !!؟ . یان چی هۆكاری ئه‌وه‌یه‌ كه‌ خه‌ڵكانیَ هه‌ست به‌ خۆشی و له‌زه‌ت ده‌كه‌ن كاتیَك دوو كه‌س یان خه‌ڵكانیَك ده‌بینن یه‌كتر ئازارده‌ده‌ن و یه‌كتر خویَناوی ده‌كه‌ن یان یه‌كتر ده‌كوژن به‌ سه‌ر و لاق برِینه‌كانه‌وه‌  ؟! . هه‌ر له‌ ئه‌نجامده‌رانی ئه‌شكه‌نجه‌وه‌ تا بچوكترین نمونه‌ كه‌ لیَره‌دا جه‌ماوه‌ری وه‌رزشی بۆكسیَن و كیك بۆكسینگه‌ !؟ . چییه‌ نهیَنی ئه‌و چیَژ و له‌زه‌ت وه‌رگرتنه‌ له‌ به‌شداری و ئه‌نجامدان یان ته‌ماشاكردن و كه‌یف و خۆشی به‌ بینینی ئازاره‌كانی دوو كه‌س یان دوو گروپ ؟ ! , ( دوور له‌ كای كۆنه‌ به‌ با كردن , با شه‌ن و كه‌ویَكی خۆیشمان بكه‌ین له‌ بواری سادۆمازۆخیدا ؟؟! ) . .

له‌ شه‌رِی ناوخۆدا له‌ كوردستان زۆر گروپ و تاقمی له‌م شیَوه‌یه‌ رِۆژانه‌ ده‌بینران ؟ , له‌ كاتیَكدا خه‌ڵكانیَكی پیَشكه‌وتوخواز و دۆستی ژیان و ئاشتی , كه‌ هه‌موو بونه‌وه‌ریَك و ژیانیَكیان لا موقه‌ده‌س بوو , له‌ نیَوانی دیَگه‌ڵه‌ و كۆیه‌ دا , بازگه‌یان هه‌ڵدابوو , سه‌رقاڵی مۆسیقا و تابلۆ و شیعر بوون , بۆ ئه‌وه‌ی دیواری دیَگه‌ڵه‌ نه‌بیَته‌ دیواری به‌رلین ( هه‌رچه‌ند پاش نه‌هامه‌تییه‌كی زۆر چاره‌نوسی ئه‌ویشیان هه‌ر رِوخان بوو له‌سه‌ر ده‌ستی خۆشه‌ویستانی ژیان ) . بۆ ئه‌و سه‌رده‌مه‌ خه‌ڵكانیَك به‌ڵیَنیان ئه‌دا ئه‌و ده‌سته‌ ببرِنه‌وه‌ ئه‌گه‌ر دریَژ كرا بۆ ئاشتی و برایه‌تی و پیَكه‌وه‌ ژیان ؟! . بۆ خه‌ڵكانیَكی سادیزم هه‌ستی نه‌ته‌وایه‌تیان تیَكه‌ڵ به‌ دروشمه‌كانی شه‌رِی ناوخۆ ده‌كرد ؟ , بۆ ئه‌وه‌ی خه‌ڵكانیَكی زۆر رِابكیَشن بۆ ناو دۆزه‌خی ئاهه‌نگه‌كانی هیستیریای خویَن ؟. مه‌گه‌ر كاتی ئاماده‌كردنی له‌شكر بۆ سه‌ر هه‌ولیَر سوپای ته‌تار ئاسا ؟ , باسیان له‌ رِزگار كردنی كه‌ركوك نه‌كردبوو ؟؟! , ئه‌و خه‌ڵكه‌ش كه‌ له‌ ده‌وریان بوون و خۆیان پرِ چه‌ك كردبوو رِاچڵه‌كابوون !؟ , و پرسیارین كردبوو به‌ سه‌رسامیه‌وه‌ ؟ . بۆ ئیَمه‌ هیَرش بۆ هه‌ولیَر ده‌كه‌ین یان بۆ كه‌ركوك ؟؟! . به‌رپرسه‌ میرابۆ ! , ئاساكه‌ش نه‌یگوتبوو , به‌ڵیَ ئیَمه‌ هیَرش بۆ هه‌ولیَر ده‌كه‌ین به‌ڵام له‌ویَوه‌ ناوه‌ستین تا كه‌ركوك چونكه‌ ده‌روازه‌ی كه‌ركوك له‌ هه‌ولیَره‌وه‌یه‌ , هه‌رچه‌ند هه‌ولیَریش له‌ گیرفاندایه‌ !!؟ - ( حیكایه‌ته‌كه‌ی رِزگاركردنی فه‌له‌ستینه‌ لای سه‌دام !؟ , مه‌گه‌ر ئه‌ویش ده‌رگایه‌كی شرِی به‌شانه‌وه‌ نه‌بوو هه‌ر رِۆژه‌و به‌ سنوری ووڵاتیَكیه‌وه‌ ده‌نا و به‌ میَگه‌له‌كه‌ی ده‌گووت , ده‌رگای فه‌له‌ستین ئالیَره‌وه‌یه‌ !؟ , ئه‌وانیش به‌ هه‌لهه‌له‌ خۆیان پیا ده‌كرد و له‌ تابوتدا ئه‌هیَنرانه‌وه‌ , یان هه‌ر نه‌ ئه‌گه‌رِانه‌وه‌ , له‌وانه‌یه‌ گه‌یشتبیَتنه‌ فه‌له‌ستین !! )  . . دوو رِۆژ دوای ئه‌و به‌رواره‌ ئه‌و به‌رپرسه‌ خۆ به‌ میرابۆ زانه‌ , به‌ په‌رته‌وازه‌یی گه‌یشتبووه‌ سه‌ر سنوری ئیَران و له‌ویَ له‌سه‌ر كانیاویَك خۆی نوشتاندبوه‌وه‌ بۆ ئه‌وه‌ی ئاو بخواته‌وه‌ , یه‌كیَك له‌ گویَگرانی پیَش دوو رِۆژ له‌و به‌رواره‌ش پیَی گوتبوو به‌ پیَكه‌نینه‌وه‌ , گه‌وره‌م وریابه‌ هه‌ولیَری گیرفانت نه‌كه‌ویَته‌ كانیاوه‌كه‌وه‌ !!؟ . .

به‌ برِوای زۆربه‌ی زانایانی ده‌رونناس , خۆ ئازاردان یان خه‌ڵك ئازاردان یان خۆشی و كه‌یف هاتن به‌ ته‌ماشای ئه‌وانه‌ی یه‌كتر ئازار ده‌ده‌ن . هۆكاره‌كه‌ی پاڵنه‌ره‌ سیَكسیه‌ شاراوه‌ و خه‌فه‌كراوه‌كانه‌ ؟ , كه‌ به‌هه‌ر هۆكاریَكه‌وه‌ بیَت , توانای تیَركردنی دروست و سه‌ركه‌وتوانه‌ی بۆ نه‌رِه‌خساوه‌ . بۆیه‌ رِیَچكه‌كه‌ی ده‌گۆرِیَت به‌ره‌و ده‌روازه‌ی توندوتیژی و شه‌رِئانگیَزی به‌ مه‌به‌ستی دابین كردنی , و یان له‌ رِیَگه‌ی ئازار به‌ خه‌ڵك گه‌یاندن یان ئازار وه‌رگرتن له‌ خه‌ڵك به‌تاڵ ده‌بیَته‌وه‌ , یان ئه‌و كاتانه‌ی كه‌ ئازاردان و یه‌كتر خویَناوی كردنی دوو جه‌مسه‌ر ده‌بینیَت !!؟ . ئه‌مه‌ش جیَگه‌ی هه‌ست و له‌زه‌ته‌كانی لوتكه‌ی چیَژی سیَكسی بۆ ئه‌و جۆره‌ كه‌سانه‌ ده‌گریَته‌وه‌ . هه‌ر ئه‌م رِاستیه‌یه‌ رِۆشنایی زۆر ده‌خاته‌ سه‌ر هه‌ڵسوكه‌وتی تاوانكاری و وورده‌كاریه‌كانی و هه‌موو جۆره‌كانی توندوتیژی , هه‌ر له‌ جه‌نگی نیَوان دوو كه‌س یان گروپ یان ده‌وڵه‌ته‌وه‌ نا دیارده‌ توندوتیژه‌كانی ئه‌ده‌ب و هونه‌ر . هه‌موو ئه‌مانه‌ به‌ڵگه‌ن له‌سه‌ر په‌یوه‌ندی به‌هیَزی نیَوان چیَژ و له‌زه‌ت و ئازار و دۆرِاندنی رِاگرتنی باڵانسی سروشتی نیَوانیان , له‌ ژیانی ده‌رونی و سیَكسی تاك و كۆمه‌ڵگاكاندا و ئه‌و ئه‌نجامه‌ش كه‌ سه‌ر هه‌ڵده‌دات له‌م پشیَویه‌وه‌ , تیَرِوانینی پیاده‌ كردنی
توندوتیژی و ئازار و شه‌رِئانگیَزی له‌سه‌ر خود یان خه‌ڵكه‌  . . 

به‌ پیَی بۆچوونی رِیَژه‌یه‌كی به‌رچاو له‌ زاناكان , لادانه‌كانی گۆرِان له‌ شیَواز و مۆركی تایبه‌تمه‌ندیَتی سیَكسی بریتیه‌ له‌م لادانانه‌ی خواره‌وه‌ : -

1. سادیزم – Sadism : -

سادییه‌ت یه‌كیَك له‌ جه‌مسه‌ره‌كانی سادۆماسۆشیه‌ و تیَیدا لاده‌ره‌كه‌ پرۆسه‌كانی ئازاردانی جه‌سته‌یی یان ده‌رونی ( هه‌موو ئازاریَكی جه‌سته‌یی ئازاری ده‌رونیش له‌ خۆ ده‌گریَت و پیَچه‌وانه‌ش رِاسته‌ ؟ , چونكه‌ زۆر جار ئازاری ده‌رونی ده‌بیَته‌ هۆكاری ئازاری جه‌سته‌یی ؟ , و به‌ تایبه‌تی له‌ نه‌خۆشینه‌ سایكۆسۆماتیه‌كاندا ئاشكرا تر ده‌رده‌كه‌ویَت !! ) , یان پیاده‌كردنی هه‌ردوو جۆره‌كه‌ له‌سه‌ر هاوسه‌ره‌ سیَكسیه‌كه‌ی له‌ كاتی په‌یوه‌ندی سیَكسیدا ! ؟ . چی ئه‌و هاوسه‌ره‌ پیاوه‌كه‌ بیَت یان ژنه‌كه‌ , وه‌ چی ئه‌و هاوسه‌ره‌ به‌ ویستی خۆی ئه‌و ئازاردانه‌ قه‌بوڵ بكات یان به‌ ناچاری و به‌

زۆر بسه‌پیَنریَت به‌سه‌ریدا . پیَشتر باسی ئه‌وه‌مان كرد كه‌ , شیَوازیَكی سوك و شیاو له‌ قورِنچك , گازگترن , چرِنوك , گوشین , هه‌رِه‌شه‌ی ئازاردان یان هیَمایه‌كی ده‌ربرِی ئه‌و هه‌رِه‌شه‌یه‌ , به‌ كرداریَكی سروشتی ئه‌ژمار ده‌كریَت . به‌ڵام تیَپه‌رِاندنی ئه‌و سنورانه‌ له‌ پیاده‌كردنی توندوتیژیدا ده‌رِواته‌ چوارچیَوه‌ی لادانه‌وه‌ .

سادیه‌ت وه‌كو دیارده‌یه‌كی سروشتی یان لادان ؟ , له‌ میَژویه‌كی كۆنه‌وه‌ ناسراوه‌ و پیاده‌ كراوه‌ , هه‌رچه‌ند میَژوی ناوه‌كه‌ی نزیكه‌ و به‌هۆی ناوی رِۆماننوس ( ماركیز دی  سید – Marquis De Sade ) – 1740 – 1814 یه‌ كه‌ زۆربه‌ی ماوه‌ی ژیانی له‌ زینداندا به‌سه‌ر برد و پاشان نه‌خۆشخانه‌یه‌كی نه‌خۆشینه‌ ئه‌قڵیه‌كان دوا ویَستگه‌ی ژیانی بوو تا گیانی له‌دستدا . چه‌ند رِۆمانیَكی نوسیوه‌ و زۆربه‌شیان له‌ زینداندا نوسراون و ئاخنراون به‌ خه‌ون و خه‌یاڵی سیَكسی سادیانه‌ ! , له‌ نوسینه‌كانیدا بانگه‌شه‌ بۆ هه‌موو جۆره‌كانی به‌درِه‌وشتی و كرداره‌ قیَزه‌وه‌نه‌كان ده‌كات  و ئاكار و رِه‌وشتی به‌رز تیَك ده‌شكیَنیَ . هه‌رچه‌ند بواری ئه‌زمونی و هه‌لی جیَبه‌جیَكردنی هه‌موو نوسین و ئازاردانه‌ ویَناكراوه‌كانی ناو ئه‌و نوسینانه‌ی بۆ نه‌رِه‌خساوه‌ , به‌ڵام چه‌نده‌ها جار لادانی سیَكسی توندوتیژی له‌ ژیانیدا ئه‌نجام داوه‌ و گه‌یشتۆته‌ ئاستی مردنی هاوسه‌ره‌ سیَكسیه‌كه‌ی !؟ . به‌ناوبانگترین رِۆمانه‌كانی ( جۆستن و جۆلیَت ) ه‌ , هه‌ندیَك له‌ تویَژه‌ران و میَژونوسان برِوایان وایه‌ كه‌ , ئه‌م ئاره‌زوه‌ی ئازاردان و سادیه‌ته‌ لای دۆ ساد و رِه‌نگ دانه‌وه‌ی له‌ نوسینه‌كانیدا , ده‌گه‌رِیَته‌وه‌ بۆ رِق و كینه‌ی قوڵی دۆ ساد له‌ دایكی ؟ , ئه‌و رِق و كینه‌یه‌ی بوو به‌ پاڵنه‌ریَكی به‌هیَز بۆ تۆڵه‌كردنه‌وه‌ له‌ رِه‌گه‌زی میَینه‌ . بۆ ئیَمه‌ له‌م رِۆژگاره‌دا ئه‌گه‌ر دڵنیاش نه‌بین له‌ بارودۆخ و ته‌مه‌نی منداڵی , ئه‌وا له‌رِیَگه‌ی به‌سه‌ربردنی ماوه‌یه‌كی زۆری ته‌مه‌نی له‌ زیندانه‌كاندا و گه‌رِانه‌وه‌ی به‌رده‌وامی بۆ زیندان به‌ هه‌مان شیَوه‌ی تاوان و شیكاری ده‌رونی بۆ نوسینه‌كانی و پاشان ناچاربوون بۆ خه‌واندنی له‌ نه‌خۆشخانه‌یه‌كی ئه‌قڵی تا كۆتایی ژیانی له‌ویَدا ؟؟ . ئه‌مانه‌ هه‌موو به‌ڵگه‌ن له‌سه‌ر شڵه‌ژانیَكی قوڵ و كاریگه‌ر و له‌ده‌ستدانی توانای رِاگرتنی باڵانسی ژیانی ده‌رونی و كه‌سایه‌تی . .

به‌ بۆچونی خه‌ڵكانیَكی زۆر , دۆ ساد ته‌نها گرنگی داوه‌ به‌ توندوتیژی و ئازاردان له‌ په‌یوه‌ندیه‌ سیَكسیه‌كاندا ؟ . به‌ڵام له‌ رِاستیدا دوتویَی نوسینه‌كانی زۆر بیرورِا هه‌ڵده‌گریَت و ئه‌و بیر و بۆچونانه‌ی پاش مردنی دۆ ساد به‌ ( 150 ) ساڵ سه‌ره‌نج و گرنگی پیَدانی زانستی وروژاند . چونكه‌ دۆ ساد له‌ ئه‌زمونه‌ تایبه‌تیه‌كه‌ی خۆیه‌وه‌ ده‌ركی به‌وه‌ كردبوو كه‌ په‌یوه‌ندییه‌كی به‌هیَز , چیَژ یان له‌زه‌ت و ئازار پیَكه‌وه‌ گریَده‌دات !؟ . ئه‌وه‌تا له‌ برِگه‌یه‌كی نوسینه‌كانیدا ده‌بیَژیَت : ( .. ئازاردان هه‌موو ده‌ماره‌كانمان ختوكه‌ ئاسا ! , گرژ ده‌كات و ده‌وروژیَنیَت و ده‌له‌ریَنیَته‌وه‌  له‌ به‌رزترین ئاستدا . وه‌ له‌م قۆناغه‌دا گومانی تیَدا نییه‌ كه‌ ئازار كاریگه‌ری زیاتری له‌سه‌رمانه‌ به‌ به‌راورد له‌گه‌ڵ چیَژدا , بینینی ئه‌م هه‌سته‌ی ئازاردانی كه‌سه‌كه‌ی تر و كاردانه‌وه‌كانی ئازار له‌ جه‌سته‌یدا , له‌زه‌ت به‌خشه‌ و ناخمانی پیَ شا گه‌شكه‌ ده‌كات به‌هیَزتر له‌ شۆكی چیَژورگرتن له‌ خودی ئازاره‌كه‌دا ؟؟ ! . .
ئه‌وه‌ی زیاتر گرنگه‌ به‌لای تویَژه‌ره‌كانه‌وه‌ له‌ بابه‌تی سادییه‌تدا دوو لایه‌نی گرنگی دیارده‌كه‌یه‌ ؟ , یه‌كه‌میان سه‌رچاوه‌ بنه‌رِه‌تیه‌كانی سه‌رهه‌ڵدانی ئه‌م دیارده‌یه‌ له‌ ژیانی سیَكسی مرۆڤدا ؟ . لایه‌نی دووه‌میشی , ده‌ستنیشان كردنی ئاستی په‌یوه‌ندی نیَوان توندوتیژی و شه‌رِئانگیَزی ( عدوان ) و ئازاردان كه‌ مرۆڤ پیاده‌ی ده‌كات له‌ ژیانیدا , به‌ لایه‌نه‌ سیَكسیه‌كانی ژیانیه‌وه‌ ؟ .

بۆ لایه‌نی یه‌كه‌میان , هه‌رچه‌ند ئه‌و حاڵه‌تانه‌ی كه‌ توندوتیژی و شه‌رِئانگیَزی و ئازاردان پیاده‌ده‌كه‌ن به‌ شیَوه‌ زیاده‌رِۆییه‌كه‌ی , له‌ كاتی پرۆسه‌ سیَكسیه‌كه‌دا تا رِاده‌یه‌ك كه‌مه‌ , به‌ڵام گرنگیه‌كی زۆری پیَده‌دریَت له‌ ووڵاتاندا به‌ تایبه‌تی له‌ میدیاكانه‌وه‌ . به‌ڵام بۆ كۆمه‌ڵگای كوردی ئه‌گه‌ر بۆچون و تیَگه‌یشتنی گشت لایه‌نه‌مان هه‌بیَت بۆ سادیزم , ئه‌وا رِیَژه‌كه‌ی زۆر زۆره‌ , به‌ به‌راورد له‌گه‌ڵ زۆر له‌ كۆمه‌ڵگاكانی جیهاندا !؟ . ئه‌م رِاستیه‌ش داتاكانی داهاتوو ئاشكرای ده‌كات بۆ توندوتیژیه‌كانی به‌رامبه‌ر ژنان و كوشتن و خۆسوتاندن و ئازاردانی خیَزانی , هه‌رچه‌ند ئه‌م سادییه‌ته‌ و ده‌رئه‌نجامه‌كانی له‌ گشت حاڵه‌ته‌ تاك كه‌سیه‌كاندا له‌ كوردستان و زۆر جیَگای تری جیهان , رِاسته‌وخۆ و به‌شیَوه‌یه‌كی ئاشكرا نه‌به‌ستراوه‌ته‌وه‌ به‌ سیَكسه‌وه‌ ؟ , به‌ تایبه‌تی له‌ رِوانگه‌ی ئه‌نجامده‌ری توندوتیژیه‌كه‌وه‌ و ده‌سه‌ڵاتی لیَكۆڵینه‌وه‌وه‌ ! . به‌ڵام به‌ پیَی تیَگه‌یشتنی ده‌رونی گشت لایه‌نه‌ی سادیزمه‌وه‌ , رِیَژه‌ هه‌ره‌ زۆره‌كه‌ی ئه‌و توندوتیژی و تاوانانه‌ په‌یوه‌ندی رِاسته‌وخۆ و نارِاسته‌وخۆی به‌هیَزه‌ له‌گه‌ڵ ژیانی سیَكسی تاكی ئازه‌رده‌ر !؟ .

 لایه‌نی دووه‌م زیاتر ئاڵۆزه‌ و گرنگتریشه‌ بۆ تیَگه‌یشتن و شیكاری , هه‌ندیَك له‌ زانایانی ده‌رونناس و كۆمه‌ڵناس , پیَیان وایه‌ هیچ په‌یوه‌ندییه‌ك نییه‌ له‌ نیَوان سادیه‌تدا له‌ ژیانی رِۆژانه‌ و لایه‌نه‌ سیَكسیه‌كان ؟! . به‌ڵام زۆریَك له‌ زانایان پیَچه‌وانه‌ی ئه‌م بیر و بۆچونه‌ن , لای ئه‌م زۆرینه‌یه‌ شه‌رِئانگیَزی ( عدوان – تعدى ) كه‌ مرۆڤ پیاده‌ و  ئاراسته‌ی ده‌كات به‌ شیَوه‌یه‌كی رِاسته‌وخۆ و كردار یان له‌ خه‌یاڵ و خه‌ونه‌كانیه‌وه‌ ( احلام یه‌قه‌زه‌ ) یان له‌كاتی خه‌وبینیندا ( احلام ) , یان ئه‌گه‌ر هاتوو هه‌ستی به‌ ئاسوده‌یی كرد له‌ كاتی ئازاردانی كه‌سیَك له‌ لایه‌ن كه‌سیَكی تره‌وه‌ ( یان كه‌سیَك په‌له‌وه‌ر یان ئاژه‌ڵ ئازار ده‌دات یان ته‌ماشاكردنی شه‌رِو پیَكدادانی دوو منداڵ , یان دوو وه‌رزشه‌وان  ... ) به‌ هه‌ر شیَوازیَك له‌ شیَوازه‌كانی ئازاردان . ئه‌وه‌ هه‌موی هیَمایه‌ له‌ نه‌ستدا یان حه‌زیَكی ئاشكرای هه‌ستی سادییه‌تی سیَكسی كه‌سه‌كه‌یه‌ !؟ , وه‌ ئه‌م هه‌ستكردنه‌ به‌ ئاسوده‌یی و رِه‌زامه‌ندی مرۆڤه‌كه‌ به‌م جۆره‌ كرداره‌ توندوتیژانه‌ یه‌كسانه‌ به‌ ئاسوده‌یی و له‌ خۆرِازیبونی ته‌واكردنی سیَكسی و گه‌یشتن به‌ لوتكه‌ی چیَژ له‌ لای !! .  هۆكاری ئه‌م پشیَویه‌ش ده‌گه‌رِیَته‌وه‌ بۆ شكست هیَنانی مرۆڤه‌كه‌ له‌ دابینكردن و تیَركردنی ( جه‌سته‌یی و ده‌رونی ! ) غه‌ریزه‌ی سیَكس , به‌ شیَوه‌یه‌كی سروشتی یان سادی , بۆیه‌ به‌ شیَوه‌یه‌كی شاراوه‌ له‌ نه‌ستدا گۆرِاوه‌ بۆ شه‌رِئانگیَزی – عدوان لای كه‌سه‌كه‌ . به‌م شیَوه‌یه‌ش , چیَژ وه‌رگرتن له‌ ئازاردانی خه‌ڵك و گیانله‌به‌ر هه‌مان چیَژ وه‌رگرتنه‌ سیَكسیه‌كه‌یه‌ له‌ سه‌رچاوه‌ و بنه‌رِه‌تدا و هه‌مان مه‌به‌ست ده‌پیَكیَت . .

زۆر گرنگه‌ به‌لامه‌وه‌ كه‌ رِۆژیَك له‌ رِۆژان بتوانم تویَژینه‌وه‌یه‌ك ئه‌نجام بده‌م له‌سه‌ر توندوتیژی خیَزانی , چونكه‌ تیَبینیه‌كم لا دروست بووه‌ مه‌گه‌ر به‌ تویَژینه‌وه‌ی زانستی بسه‌لمیَت , ئه‌ویش , رِیَژه‌ی زیادی توندوتیژی خیَزانی په‌یوه‌ندی به‌هیَزه‌ له‌ گه‌ڵ بواری سیَكسی ژن و میَرده‌كه‌دا !؟ . وه‌ له‌ تویَژینه‌وه‌یه‌كی ئاوادا پیَویسته‌ بگه‌ینه‌ رِیَژه‌ و جۆری كیَشه‌ خیَزانیه‌كان له‌ كاتی سورِی مانگانه‌ی ژناندا یان ئه‌و كاتانه‌ی كه‌ بواری سیَكس به‌ هه‌ر هۆكاریَكه‌وه‌ بیَت نه‌رِه‌خساوه‌ ؟ ! , به‌ به‌راورد له‌گه‌ڵ رِیَژه‌ و جۆری كیَشه‌ خیَزانیه‌كان ئه‌و كاتانه‌ی كه‌ ئافره‌ته‌كه‌ له‌سورِی مانگانه‌دا نییه‌ یان بواری سیَكسی رِه‌خساوه‌ !!؟ . .
بۆ شیكاری و رِونكردنه‌وه‌ی ئه‌و گۆرِانه‌ی غه‌ریزه‌ی سیَكسی به‌ غه‌ریزه‌ی شه‌رِئانگیَزی , زانایان چه‌ند بۆچونیَكیان هه‌یه‌ له‌وانه‌ : -

• لادانیَكی نه‌خۆشیناویه‌ به‌هۆی دراوسیَیه‌تی و نزیكی سه‌نته‌ره‌كانی شه‌رِئانگیَزی و سیَكس له‌ میَشكدا .

• لادانیَكه‌ به‌هۆی شكستی پرۆسه‌ی گونجاندن و به‌ مرۆڤ كردنی مرۆڤ  له‌ رِیَگه‌ی په‌یوه‌ندیه‌ كۆمه‌ڵایه‌تیه‌كانیه‌وه‌ .

• هه‌ڵه‌یه‌كی ده‌رونی سیَكسی مرۆڤه‌ .

زیاده‌رِۆیی كردنی مرۆڤیش له‌ شه‌رِئانگیَزیدا , تا رِاده‌ی كوشتنی مرۆڤی به‌رامبه‌ر به‌ پیَچه‌وانه‌ی جۆره‌كانی تری ئاژه‌ڵه‌ هاوجۆره‌كان ؟! . ده‌گه‌رِیَته‌وه‌ بۆ ئه‌وه‌ی هه‌موو ئاژه‌ڵیَك , سیسته‌میَكی به‌ربه‌ستی بچوكی له‌ میَشكدایه‌ به‌ شیَوه‌یه‌كی بۆماوه‌یی , ئه‌ركی ئه‌م سیسته‌مه‌ له‌ میَشكدا ئه‌وه‌یه‌ كه‌ رِیَگره‌ له‌به‌رده‌می كوشتندا لای ئاژه‌ڵه‌ هاوجۆره‌كان ! , و ته‌نها به‌ ملكه‌چكردنی ئاژه‌ڵه‌كه‌ی تر ناكۆكیه‌كه‌ كۆتایی پیَدیَت , سیته‌مه‌كه‌ش كارایه‌ له‌ میَشكی ئاژه‌ڵه‌كانی خواره‌وه‌ی مرۆڤ له‌ زنجیره‌ی پیَشكه‌وتندا بۆیه‌ هیچ جۆریَك ئه‌ندامی جۆره‌كه‌ی خۆی ناكوژیَت و ته‌نها ملكه‌چی ده‌كات !! ؟ . به‌ پیَچه‌وانه‌ی مرۆڤه‌كانه‌وه‌ ! , كه‌ هه‌رچه‌ند ئه‌م سیسته‌مه‌ بۆماوه‌ییه‌ی وه‌كو ئاژه‌ڵه‌كانی تر له‌ میَشكیدا هه‌یه‌ ؟! . به‌ڵام هه‌زاران ساڵه‌ ئه‌كتیڤ نه‌كراوه‌ و چالاك نییه‌ !؟ , به‌ تایبه‌تی لای كه‌سه‌ نائاسایی و شه‌رِئانگیَز و هه‌ندیَك له‌ په‌ككه‌وتووه‌ سیَكسیه‌كان !؟ . هۆكاری له‌ كار كه‌وتنی سیسته‌مه‌كه‌ش لای جۆری مرۆڤ ! , زیاتر ده‌گه‌رِیَته‌وه‌ بۆ ئه‌وه‌ی كه‌ مرۆڤ چه‌كی داهیَناوه‌ و ئه‌م داهیَنانه‌ش ,  له‌ ئاستی مرۆڤایه‌تی مرۆڤی كه‌م كردۆته‌وه‌ بۆ ئاستی خوار ئاژه‌ڵه‌كانی  خواره‌وه‌ی له‌ پله‌كانی پیَشكه‌وتندا  !؟ . .

له‌و بابه‌تانه‌ی كه‌ په‌یوه‌ندی رِاسته‌وخۆ و نارِاسته‌وخۆی به‌ سادیه‌تی سیَكسیه‌وه‌ هه‌یه‌ , دیارده‌ی په‌رۆشی زۆربه‌ی خه‌ڵكه‌ له‌ زۆربه‌ی شارستانیه‌ته‌كاندا و له‌ قۆناغه‌ جیاجیاكانی میَژودا , بۆ چالاكیه‌ تایبه‌ته‌كانی توندوتیژی و شه‌رِئانگیَزی ؟ ؟ . چی ئه‌و چالاكیانه‌ جه‌سته‌یی بیَت وه‌كو جه‌نگ و تیَسره‌واندن و تیَهه‌ڵدان و شه‌رِئانگیَزی تری ئازاربه‌خش و وه‌رزش و جۆره‌كانی تری چالاكیه‌ جه‌سته‌ییه‌ توندوتیژه‌كان ؟ , یان چالاكیه‌ تایبه‌ته‌ نا جه‌سته‌ییه‌كان وه‌كو ویَنه‌ – تابلۆ , فیلم و ئه‌و رِۆمانانه‌ی كه‌ توندوتیژی تیَدا نمایش ده‌كریَت و رِه‌نگ ده‌داته‌وه‌ .

 وه‌كو پیَشتر باسكرا رِیَژه‌یه‌ك له‌ تویَژه‌ره‌وه‌كان ئه‌م دیارده‌ مرۆڤایه‌تیه‌ی په‌رۆشی رِاسته‌وخۆ یان نارِاسته‌وخۆ بۆ توندوتیژی , به‌ دیارده‌یه‌كی ده‌ربرِینی ووزه‌ی سیَكسی ئه‌ژمار ده‌كه‌ن , كه‌ نه‌توانراوه‌ به‌ شیَوه‌یه‌كی شیاو و پیَویست به‌تاڵ بكریَته‌وه‌ له‌ رِیَگه‌ی سیَكسی رِاسته‌وخۆوه‌ , بۆیه‌ وه‌كو پیَویستیه‌ك ده‌رده‌كه‌ویَت و ده‌ربرِین له‌خۆی ده‌كات له‌ شیَوه‌ی توندوتیژیدا یان ئاره‌زو كردنی توندوتیژی . ئه‌م پره‌نسیپه‌ش هه‌روه‌كو پیَشتر له‌ چه‌ند جیَگه‌یه‌كی ئه‌م بابه‌ته‌دا باسكراوه‌ , تیَبینیه‌ زانستیه‌كان پشترِاستی ده‌كاته‌وه‌ . كۆمه‌ڵیَك له‌و تیَبینیانه‌ , كاردانه‌وه‌ جه‌سته‌یی و فیزیۆلۆجیه‌كانی شه‌رِئانگیَزی و توندوتیژیه‌ به‌ هه‌ر پاساویَك بیَت , كه‌ هاوشیَوه‌ی كاردانه‌وه‌ فیزیۆلۆجیه‌كانی په‌یوه‌ندی سیَكسیه‌ . هه‌روه‌ها یه‌كیَكی تر له‌و تیَبینیه‌ زانستیانه‌ ئه‌و رِاستیه‌یه‌ كه‌ , توانای هه‌ر مرۆڤیَك بۆ پیاده‌كردنی توندوتیژی بۆ هه‌ر مه‌به‌ستیَك بیَت , به‌شیَوه‌یه‌كی كاریگه‌ر لاواز ده‌بیَت , كاتیَك مرۆڤه‌كه‌ ده‌گاته‌ قۆناغی خاوبونه‌وه‌ له‌ كاردانه‌وه‌ سیَكسیه‌كه‌یدا ( لوتكه‌ و ته‌واو كردنی پرۆسه‌ی سیَكس ) , یان توندوتیژیه‌كه‌ یان ئاره‌زوكردنه‌كه‌ی لاواز ده‌بیَت ئه‌و كاتانه‌ی كه‌ مرۆڤه‌كه‌ سه‌رقاڵ و به‌رده‌وامه‌ له‌ چالاكیه‌ سیَكسیه‌كانیدا .

ئه‌م تیَبینیانه‌ و زۆری تریش , رِۆشنایی ده‌خه‌نه‌ سه‌ر ئاستی به‌هیَز و به‌رزی په‌یوه‌ندی نیَوان توندوتیژی و سیَكس له‌ ژیانی مرۆڤدا و له‌ بواره‌ جیاجیاكانی چالاكیه‌كانیدا . . .

2. مازۆخی یان ماسۆشی – Masochism .

جه‌مسه‌ره‌ پیَچه‌وانه‌كه‌ی سادییه‌ته‌ له‌ بازنه‌ی سادۆمازۆخیدا , له‌م لادانه‌دا كه‌سی توشبوو , به‌ په‌رۆشه‌وه‌ پیَشوازی ده‌كات له‌ هه‌رچی جۆریَكی به‌رده‌ستی ئازاردان و توندوتیژی جه‌سته‌یی یان ده‌رونی یان هه‌ردوو جۆره‌كه‌ له‌ كه‌سیَكی تره‌وه‌ , وه‌كو پیَشه‌كیه‌كی پیَویستی په‌یوه‌ندی سیَكسی له‌ نیَوانیاندا یان رِاسته‌وخۆ له‌ كاتی ئه‌نجامدانی په‌یوه‌ندییه‌كه‌دا . لیَره‌شدا زیاده‌رِۆیی له‌ ئازار وه‌رگرتندا له‌ كه‌سی به‌رامبه‌ره‌وه‌ , كرداره‌كه‌ ده‌خاته‌ بازنه‌ی لادانه‌وه‌ , یان ئه‌و حاڵه‌تانه‌ی كه‌ په‌یوه‌ندیه‌ سیَكسیه‌كه‌ به‌ شیَوه‌یه‌كی بنه‌رِه‌تی پشت ده‌به‌ستیَت به‌ ئازار ورگرتن له‌ كه‌سه‌كه‌ی تره‌وه‌ . یان ئه‌و كاتانه‌ی كه‌ ئازار وه‌رگرتن ده‌بیَته‌ ئامانج و جیَگیر بۆ په‌یوه‌ندییه‌ سیَكسیه‌كه‌ , مه‌رجیش نییه‌ لیَره‌دا جه‌مسه‌ری ئازار وه‌رگر ته‌نها رِه‌گه‌زه‌ میَینه‌كه‌ی پرۆسه‌كه‌ بیَت !؟ , هه‌ر وه‌كو چۆن مه‌رج نییه‌ ئازارده‌ر له‌ سادییه‌تدا ته‌نها رِه‌گه‌زی نیَرینه‌ی پرۆسه‌ سیَكسیه‌كه‌ بیَت ؟! . هه‌رچه‌ند به‌ رِیَژه‌یه‌كی ئاماری به‌رچاو نیَرینه‌كان سادیزمن و میَینه‌كان ماسۆشی ,له‌ پرۆسه‌ سیَكسیه‌ لاده‌ره‌كاندا ( وه‌كو په‌نده‌كه‌ی پیَشینانی عه‌ره‌ب : باڵنده‌كان له‌گه‌ڵ هاوشیَوه‌كانیان جووت ده‌بن ) ؟! . ئه‌م پرۆسه‌یه‌ لیَره‌دا زیاتر به‌ ته‌وافقه‌ و جه‌مسه‌ره‌كانی په‌یوه‌ندیه‌كه‌ ته‌واوكه‌ری یه‌كن !!؟ .

زانای بواری سیَكس كرافت ئیبینگ یه‌كه‌م كه‌س بوو زاراوه‌ی ماسۆشی یان مازۆخی به‌كار هیَنا , به‌ ئاماژه‌ بۆ ناوی نوسه‌ر و رِۆماننوسی ووڵاتی نه‌مسا ( لیۆبۆڵد زاخر ماسۆش – Leopold Zacher Masoch , 1836- 1895) كه‌ ناوه‌كه‌ی په‌یوه‌سته‌ به‌م دیارده‌یه‌وه‌ . له‌ رِۆمانه‌ به‌ناوبانگه‌كه‌ی ماسۆشدا ( ڤینۆس له‌ فه‌رودا – Venus in Furs ) كه‌ رِۆشنایی ده‌خاته‌ سه‌ر هه‌ندیَك لایه‌نی ژیانی نوسه‌ره‌كه‌ له‌ هه‌ندیَك به‌شیدا , به‌تایبه‌تی له‌ منداڵیدا . پاشتریش به‌ڵیَننامه‌ی هاوسه‌رگیریه‌كه‌ی مازۆخ له‌گه‌ڵ ژنه‌كه‌یدا , كه‌ هه‌ردوكیان به‌ به‌نده‌كانی ئه‌و به‌ڵیَننامه‌یه‌ رِازی بوون و واژۆیان كردووه‌ و به‌ یه‌كیَك له‌ گرنگترین به‌ڵگه‌نامه‌كانی پزیشكی ده‌رونی ئه‌ژمار ده‌كریَت , له‌ به‌نده‌كانی ئه‌و به‌ڵیَننامه‌یه‌وه‌ ئاستی به‌هیَزی پیَویستی لاده‌ری مازۆخی ده‌رده‌كه‌ویَت بۆ ملكه‌چكردن و ئازار پیَگه‌یشتن و سوكایه‌تی پیَكردنی جه‌سته‌یی و ده‌رونی یان هه‌ردوو جۆره‌كه‌ , بۆ ئه‌وه‌ی بگاته‌ وروژاندن و ئاسوده‌یی سیَكسی ..

گرنگترین رِوداو له‌ ئه‌زمونی مازۆخدا ئه‌و رِوداوه‌یه‌ كه‌ سه‌ره‌نجی تویَژه‌رانی شیكاری ده‌رونی به‌لای خۆیدا رِاكیَشا ؟ , ئه‌ویش رِوداویَكی منداڵی مازۆخه‌ , كاتیَك له‌گه‌ڵ پوره‌كه‌یدا ده‌ژی و ئه‌ویش خۆشه‌ویستیَكی هه‌یه‌ و جارجاریَك دیَته‌ ماڵه‌وه‌یان , بۆ ئه‌وه‌ی له‌گه‌ڵ ئه‌و پوره‌یدا جووت ببیَت و سیَكس بكه‌ن , جاریَكیان حه‌زی زانین و چی رِوو ده‌دا پاڵنه‌ر ده‌بیَت بۆ مازۆخ , و بۆ ئه‌وه‌ی بزانیَت چی رِووده‌دات ؟! . خۆی ده‌شاریَته‌وه‌ له‌ دۆڵابی جل و به‌رگه‌كه‌ی ژوری پوره‌كه‌یدا . له‌ ناو دۆڵابه‌كه‌وه‌ پوره‌كه‌ی ده‌بینیَت كه‌ جله‌كانی ده‌گۆرِیَت و كراسیَكی له‌ فه‌رو دروست كراوی نه‌رم له‌به‌ر ده‌كات , پاشان خۆشه‌ویسته‌كه‌ی به‌ په‌رۆشه‌وه‌ دیَت و سیَكسی له‌گه‌ڵ ده‌كات . له‌و كاتانه‌دا مازۆخ ته‌ماشای ورده‌كاریه‌كانی جوڵه‌ و كاردانه‌وه‌ سیَكسی وروژیَنه‌ره‌كه‌یان ده‌كات , ئاگای له‌ خۆی نامیَنیَت و خۆنه‌ویستانه‌ جوڵه‌ و ده‌نگیَكی لیَده‌وه‌شیَته‌وه‌ ! , پور و خۆشه‌ویسته‌كه‌ی رِاده‌چڵكیَن و پوره‌كه‌ی زۆر دڵره‌قانه‌ ئازاری مازۆخ ده‌دات ؟ . درونناسانی شیكاری ئه‌م په‌یوه‌ندی و وابه‌سته‌بونه‌ی ئازاردانه‌كه‌ی له‌ كاتی له‌زه‌ت و وروژاندنه‌ سیَكسیه‌كه‌دا , به‌ هۆكار و چه‌سپیَنه‌ری ئاره‌زوی له‌زه‌تی وابه‌سته‌ به‌ ئازاره‌وه‌ له‌ ناخیدا له‌ داهاتودا ده‌زانن ؟ , تا ئه‌و ئاسته‌ی له‌ داهاتودا و به‌ به‌ڵگه‌ی به‌ڵیَننامه‌ی هاوسه‌رگیریه‌كه‌یه‌وه‌ هه‌ستی ئازار و له‌زه‌ت و چیَژی سیَكسی , یه‌كیَكیان پشت ببه‌ستیَت به‌ ئه‌وی تریان .

به‌ڵام له‌ رِوانگه‌ی زانستیه‌وه‌ هه‌رچه‌ند ئه‌زمونه‌كه‌ی مازۆخ شۆكی به‌هیَزی تیَدایه‌ و توندوتیژه‌ له‌ خه‌یاڵ و هه‌ستیدا ؟ , گومان ئه‌كریَت له‌وه‌ی یه‌ك ئه‌زمونی له‌و شیَوه‌یه‌ , ئه‌و وابه‌سته‌ بونه‌ی نیَوان ئازار و چیَژ دروست بكات ؟ , تا ئه‌و رِاده‌یه‌ی ببیَته‌ لادانیَكی قوڵ و به‌رده‌وام له‌ ژیانی مازۆخ دا ؟! . بۆیه‌ یان ئه‌زمونه‌كه‌ چه‌ند جاریَك دووباره‌ بووه‌ته‌وه‌ له‌ هه‌ڵویَستی سیَكسی جیاجیادا و مازۆخ منداڵیَكی تیَكده‌ر بووه‌ بۆ كاته‌ سۆزانیه‌كانی پوره‌كه‌ی و له‌وانه‌یه‌ خه‌ڵكی تریش !؟ . یان مازۆخ له‌ رِوی سروشتی ده‌رونیه‌وه‌ ئاماده‌كراوه‌ ( ئاماده‌باشی تیَدایه‌ ) بۆ ئه‌م جۆره‌ لادانه‌ , ئه‌و ئاماده‌باشیه‌ی كه‌ ته‌نها پیَویستی به‌ ئه‌زمونیَكی هاوشیَوه‌ی ئه‌زمونه‌ دڵره‌قه‌كه‌ی مازۆخ بووه‌ بۆ ئه‌وه‌ی سه‌رهه‌ڵبدات ؟؟ . ئه‌كریَت هه‌ردوو هۆكاره‌كه‌ی سه‌ره‌وه‌ش ته‌واوكه‌ری یه‌كتر بن بۆ چه‌سپاندنی لادانه‌كه‌ به‌ دریَژایی ژیان . .

هه‌ندیَك له‌ زانایان له‌سه‌ر ئه‌وه‌ كۆكن كه‌ ئافره‌ت به‌ شیَوه‌یه‌كی سروشتی برِیَكی شیاو ماسۆشی تیَدایه‌ !؟ . گوایه‌ ئه‌مه‌ش خزمه‌ت به‌ رِۆڵی میَینه‌یی ده‌كات له‌ پرۆسه‌كه‌دا . هۆكاره‌كه‌شی به‌پیَی ئه‌مانه‌یان كه‌ زیاتر شۆرِ ده‌بنه‌وه‌ بۆ ئاستی وه‌رگرتنی ئازار له‌ لایه‌ن ئافره‌ته‌وه‌ , جۆریَكه‌ له‌ رِاهیَنانی ده‌رونی له‌رِیَگه‌ی پرۆسه‌ی فیَركردنه‌وه‌ , كه‌ ئافره‌ته‌كه‌ ئاماده‌ ده‌كات بۆ وه‌رگرتنی ئازار , بۆ نمونه‌ هه‌ردوو پرۆسه‌ی درِینی په‌رده‌ی بوكیَنی و منداڵبوون , پیَویستن و ئازاریشی هاوكاته‌ ؟! . ئه‌م بۆچونه‌ی په‌روه‌رده‌ی رِه‌گه‌زی میَینه‌ حاڵه‌تیَكی رِاهیَنانی ده‌رونی لا دروست ده‌كات بۆ ددان به‌ خۆدا گرتن و ئاماده‌باشی بۆ وه‌رگرتنی ئازار ! , له‌ پیَناوی سه‌رخستنی ئه‌ركه‌كانیدا , هه‌ر ئه‌م جۆره‌ رِاهیَنانه‌ ده‌رونیه‌ ده‌گوازیَته‌وه‌ بۆ جۆریَكی شیاو له‌ ئازار وه‌رگرتن له‌ پرۆسه‌ی سیَكسدا نه‌ك ته‌نها له‌ رِوی ده‌رونیه‌وه‌ , به‌ڵكو تیَده‌په‌رِیَت بۆ لایه‌نی بایۆلۆجی جه‌سته‌یی . ئه‌م بۆچونه‌ش پشترِاست كراوه‌ته‌وه‌ به‌ تیَبینی زانستی , چونكه‌ ده‌ركه‌وت كه‌ گۆرِانكارییه‌ فیزیۆلۆجیه‌ هاوكاته‌كانی گه‌یشتنی ئافره‌ت به‌ لوتكه‌ی چیَژی سیَكسی , ده‌قاوده‌ق هاوشیَوه‌ی گۆرِانكارییه‌ فیزیۆلۆجیه‌كانی قۆناغی دووه‌می پرۆسه‌ی مناڵبوونه‌ . وه‌ هه‌ستی ئافره‌ته‌كه‌ش له‌ هه‌ردوو پرۆسه‌كه‌دا هاوشیَوه‌یه‌ , ئه‌م تیَبینیه‌ش به‌ڵگه‌یه‌ نه‌ك ته‌نها بۆ ئاستی پیَكه‌وه‌ گریَدانی ئازار و چیَژ له‌ هه‌ستدا ؟ , به‌ڵكو جه‌ختیش ده‌كاته‌وه‌ له‌سه‌ر پیَویستی هه‌ستكردن به‌ ئازار , وه‌كو ئه‌زمونیَكی ژیان كه‌ خزمه‌ت به‌ ئامانجه‌كانی ژیان و له‌زه‌ت – چیَژ ,  وه‌ هه‌ستكردن به‌ له‌خۆرِازیبون ده‌به‌خشیَت .. به‌ڵام دیاره‌ هه‌موو ئه‌مانه‌ پاساو نین بۆ سنور شكاندنی برِی شیاوی ئازاری پیَویست بۆ خۆشه‌ویستی و وروژاندن . له‌ كۆتاییدا و هه‌ر وه‌كو سادیزم , ئه‌وه‌ی گرنگه‌ له‌ ماسۆشیزمدا بزانریَت , به‌ مه‌به‌ستی برِیاردان له‌سه‌ر سروشتی یان لاده‌ری كرداره‌كه‌ ئه‌وه‌یه‌ ؟ , ئاستی پیَویستی پیاده‌كردنی شیَوازی ماسۆشی به‌ مه‌به‌ستی تیَركردنی سیَكس و ده‌رئه‌نجامه‌ زیانبه‌خش و مه‌ترسیداره‌كانی بۆ یه‌كیَك له‌ هاوسه‌ره‌ سیَكسیه‌كان . وه‌ تا چی ئاستیَك ئه‌م ده‌رئه‌نجامانه‌ ده‌بنه‌ وورده‌كاری كرداری تاوانكاری ( اجرام ) ! . .

3. لادانی سیَكسی به‌ كۆمه‌ڵ و هاوسه‌رگیری كراوه‌ ؟ - The Group & Open Marrege ؟ .

سیَكسی به‌ كۆمه‌ڵ له‌م ساڵانه‌ی دواییدا چوارچیَوه‌یه‌كی یاسایی و جۆریَك ئازادی پیَ به‌خشراوه‌ له‌ هه‌ندیَك ووڵاتدا و زیاتر به‌ پاساوی چاره‌سه‌ر یان له‌ چوارچیَوه‌ی یانه‌كاند . له‌ ئه‌و كه‌سانه‌دا ده‌رده‌كه‌ویَت كه‌ نزمترین به‌ها و ئاكار كاریگه‌ری له‌سه‌ریان نییه‌ , زیاتریش له‌ناو ئه‌ندامانی هه‌ندیَك له‌ ئه‌و خیَزانانه‌ی كه‌ پیشه‌یان له‌شفرۆشیه‌ . له‌م جۆره‌ خیَزانانه‌دا باوك و كچه‌كه‌ی و دایك و كورِه‌كه‌ی ئاساییه‌ له‌ په‌یوه‌ندی سیَكسیدا بن !!؟ . یان له‌ هه‌ندیَك ووڵاتدا لاده‌ره‌كانی ئه‌م جۆره‌ دۆست و براده‌ری هه‌ردوو هاوسه‌ر كۆ ده‌بنه‌وه‌ له‌ جۆره‌ ئاهه‌نگیَكدا و به‌كۆمه‌ڵ له‌ پرۆسه‌كه‌دا ده‌بن ؟ , یان هه‌ندیَك له‌ یانه‌كانی چاره‌سه‌ری په‌ككه‌وتن و لاوازی سیَكسی , كه‌ تیَیدا كۆی ئه‌ندامانی ئاماده‌بوی یانه‌ یان رِیَكخراوه‌كه‌ له‌ پرۆسه‌ی سیَكسدا ده‌بن به‌مه‌به‌ستی زیاتر وروژاندن و چیَژ وه‌رگرتن له‌ پرۆسه‌كه‌ !؟ . ئه‌م لادانه‌ به‌ كۆمه‌ڵه‌ زیاتر تیَیدا تاكه‌كان نزیك ده‌بنه‌وه‌ له‌ ژیانی سیَكسی ئاژه‌ڵ و دوور له‌ به‌ها مرۆڤایه‌تیه‌كان , و زیاتر لای خه‌ڵكی یاخی و به‌نگ كیَش و گروپه‌كانی له‌ شیَوه‌ی هیبز و نه‌هلستیه‌كاندا ده‌رده‌كه‌ویَت . له‌ یه‌كیَك له‌ خیَزانه‌ رِاگیراوه‌كاندا كورِ له‌گه‌ڵ دایكیدا و كچ له‌گه‌ڵ باوكیدا رِاشكاوانه‌ په‌یوه‌ندی سیَكسی كراوه‌یان گیَرِابووه‌ و كه‌سیش خاوه‌نی مافی كه‌سی نییه‌ له‌ ئاوه‌ها كیَشه‌یه‌كدا ؟! . ئه‌م لادانه‌ له‌ میَژوی ناوچه‌كه‌دا زیاتر نزیكه‌ له‌ سیسته‌میَكی كۆمه‌ڵایه‌تی هاوشیَوه‌ له‌ نیمچه‌ دورگه‌ی عه‌ره‌ب كه‌ كرداریَكی به‌ربڵاو بووه‌ له‌ناو دانیشتوانی ئه‌و ناوچه‌یه‌دا و به‌ سیته‌می سه‌فاح ناسراو بوو پیَش سه‌رهه‌ڵدانی ئاینی ئیسلام !؟ . .

4. سیَكسی زۆرداری – Rape – ئیغتیساب ؟ .( شه‌رِئانگیَزی سیَكسیش لیَره‌دا رِۆشنایی ده‌خریَته‌ سه‌ر )
عه‌ره‌به‌كانی پیَش و پاش ئیسلام و له‌ هه‌ندیَك جیَگا , تا ئیَستا برِوایان وایه‌ كه‌ پیَویسته‌ پیاو له‌ كاتی جوتبوندا له‌گه‌ڵ ژنه‌كه‌یدا ئه‌و ژنه‌ی تورِه‌ كردبیَت و كاتیَك كه‌ ده‌مارگیری ده‌یگریَت و خۆی به‌ده‌سته‌وه‌ نادات , به‌زۆرداری سیَكسی له‌گه‌ڵ بكات !؟ , یان ئافره‌ته‌كه‌یان بۆ گواستۆته‌وه‌ به‌بیَ ویستی ئه‌و ئافره‌ته‌ و له‌وانه‌یه‌ رِقی له‌ دڵدا بیَت به‌رامبه‌ر پیاوه‌كه‌ . گوایه‌ به‌م شیَوه‌یه‌ ئه‌و پیاوه‌ چانسی نه‌وه‌ی كورِ زیاد ده‌كات و ئه‌و منداڵه‌ی كه‌ ده‌یبیَت له‌و پرۆسه‌ زۆرداریه‌وه‌ كورِ ده‌رده‌چیَت و هاوشیَوه‌ی باوكی ده‌بیَت !!.

چه‌ند تیۆریه‌ك به‌رده‌ستن بۆ ده‌ستنیشان كردنی هۆكاره‌كانی سیَكسی زۆرداری له‌وانه‌ , هه‌ندیَكیان هه‌موو په‌یوه‌ندییه‌كی سیَكسی به‌ پرۆسه‌یه‌كی سیَكسی زۆرداری ئه‌ژمار ده‌كات ؟ , به‌پیَی ئه‌مانه‌یان سه‌رچاوه‌ و بنه‌رِه‌تی په‌یوه‌ندی سیَكسی له‌ ژیانی مرۆڤدا ( مرۆڤی سه‌ره‌تایی كۆن ) , له‌سه‌ر بناغه‌ی ده‌ستدریَژی و شه‌رِئانگیَزی و سیَكسی زۆرداری بونیادنراوه‌ , و هاوشیَوه‌ی پرۆسه‌ی رِاوكردن بووه‌ ؟ , له‌ یه‌كه‌میاندا ئه‌و كه‌سه‌ی سیَكسی ئاراسته‌ كراوه‌ یان رِاوی سیَكسی كراوه‌ ؟! . نیَچیر بووه‌ بۆ دامركاندنه‌وه‌ی ئاره‌زوی سه‌ركه‌ش و ئاژه‌ڵانه‌ی سیَكس , مه‌رجیش نییه‌ ته‌نها ئافره‌ت مه‌به‌ست بوبیَت ؟ , به‌ڵكو منداڵ و نه‌وجوان و پیره‌ژن و پیاوی به‌ته‌مه‌ن و خه‌ڵكی لاواز و نه‌خۆش , یان دیل و ده‌ستبه‌سه‌ر و شكست خواردوو وه‌ ژیَركه‌وتوو له‌ ناكۆكیه‌كاندا !؟ . له‌ پرۆسه‌ی دووه‌میشدا ئاژه‌ڵ یان په‌له‌وه‌ر مه‌به‌ست بووه‌ به‌ رِاوكردن و نیَچیر بووه‌ بۆ دامركاندنه‌وه‌ی غه‌ریزه‌ی برسیَتی . ئه‌م پرۆسه‌یه‌ش به‌رده‌وام بووه‌ تا قۆناغی دوای ماڵی بوونی مرۆڤیش ( تدجین ) له‌ لایه‌نی كۆمه‌ڵایه‌تیه‌وه‌ كه‌ تیَیدا , پیَویست بووه‌ له‌سه‌ر ئافره‌ت ملكه‌چ بیَت ئه‌گه‌ر به‌ زۆریش بیَت بۆ خواستی نیَرینه‌ و قایل ببیَت به‌ جۆریَك له‌ سیَكسی زۆرداری ؟! , به‌ تایبه‌تی پیَش و پاش قۆناغی دایك سالاری . .

جیَی سه‌ره‌نجه‌ كه‌ هه‌تا ئه‌م سه‌رده‌مه‌مان و له‌ زۆر جیَگای جیهاندا , جه‌نگ و ناكۆكی نیَوده‌وڵه‌تی و ناوخۆیی , به‌ شیَوه‌یه‌كی به‌رچاو  لاده‌ره‌ سیَكسیه‌كان و هه‌رزه‌كار و منداڵ و سایكۆپاسه‌كان ... رِاده‌كیَشیَ به‌ره‌و لای خۆی  , چی له‌ژیَر ناوی جیهاد و ئاین و تایفه‌دا بیَت یان ده‌ستدریَژی ده‌وڵه‌تیی چاوچنۆك و ... , هه‌موو ئه‌مانه‌ش زیاتر هیَزی رِاكیَشه‌ری جه‌زبه‌ ئاسای جه‌نگ له‌سه‌ریان , ده‌گه‌رِیَته‌وه‌ بۆ ئه‌وه‌ی كه‌ ئاره‌زووه‌ لاده‌ر و سه‌ركه‌ش و تاوانكاره‌كانیانی تیَدا پیاده‌ و جیَبه‌جیَ ده‌كه‌ن ؟! , نه‌ك عه‌قیده‌ و مه‌سه‌له‌یه‌كی رِه‌وا . یه‌كیَك له‌ به‌ڵگه‌كانیش بۆ ئه‌مه‌ ئه‌و سه‌رقاڵیه‌ی خاچی سوری نیَو ده‌وڵه‌تی و رِیكخراوه‌ جیهانییه‌كانه‌ بۆ چاره‌سه‌ر كردن و رِاهیَنانه‌وه‌ی قوربانیه‌كانی دستدریَژی سیَكسی جه‌نگه‌ ناوخۆیی و نیَوده‌وڵه‌تیه‌كان ,  و ئاشكرا كردنی رِیژه‌ی ئه‌و ده‌ستدریَژیانه‌ ! . له‌م جه‌نگانه‌شدا له‌ زۆر جیَگه‌ی جیهاندا چوك وه‌كو چه‌كیَك به‌كار ده‌هیَنریَت كه‌ كاریگه‌ریه‌كه‌ی كه‌متر نییه‌ له‌ چه‌كه‌ كۆكوژه‌كان ؟! , به‌مه‌به‌ستی ئه‌تك كردن و تیَكشكان و سه‌رشۆرِ كردنی قوربانیان و تیَكشكاندنی سه‌ربه‌رزی و كه‌رامه‌تی مرۆڤی به‌رامبه‌ر ؟! , چی ئه‌و مرۆڤانه‌ ئافره‌ت بن یان منداڵه‌كانی هه‌ردوو رِه‌گه‌ز یان پیرو په‌ككه‌وتوان و نه‌خۆش و برینداری جه‌نگ و دیل و ده‌ستبه‌سه‌ره‌كان . چی ئه‌م كردارانه‌ به‌رنامه‌ بۆ دارِیَژراو بیَت یان ده‌رئه‌نجامیَكی سروشتی جه‌نگ و ناكۆكیه‌كان بیَت كه‌ به‌شداربوانی بۆ ئه‌و مه‌به‌سته‌ ده‌خزیَنه‌ ناو ئه‌و ناكۆكیانه‌وه‌ ؟ , له‌به‌ر ئه‌وه‌ی كه‌ جه‌نگاوه‌ره‌كان پیَكهاتون له‌ هه‌رزه‌كار و میَردمنداڵ و نه‌خۆش و لاده‌ری ده‌رونی و سیَكسی !!؟ .
ئه‌وه‌تا هه‌ر ئه‌م رِاستی و كاره‌كته‌رانه‌ وای كردووه‌ كه‌ شاعیریَكی به‌ناوبانگی عه‌ره‌ب ( ئمروْ  القیس ) ده‌بیَژیَت : -

( الحرب اول ما تندلعُ
                       تسعى بزینتها لكل جهول
حتى اژا ما ستعرت و شاب چرامها
                   عادت عجوزا" غیر ژاتَ خلیل
شمگاء جزت رڕسها و تنكرت
                          مكروهه‌" للپم والتقبیل )

ئه‌وه‌تا لایه‌نه‌ بریقه‌داره‌كانی جه‌نگ بۆ دابین كردنی ئاره‌زووه‌ ئاژه‌ڵیه‌كان ! , هه‌موو نه‌زان و بیَئه‌قڵه‌كانی له‌ خۆی كۆ كردۆته‌وه‌ , ( له‌وانه‌یه‌ خودی شاعیریش ؟! , له‌به‌ر ئه‌وه‌ی زۆربه‌ی گه‌نجیَتی به‌سه‌ر برد به‌ سه‌رقاڵی له‌ جه‌نگه‌كانی خیَڵه‌كه‌یدا كه‌ باوكیشی تیَیدا كوژرا !!؟ . وه‌ ئه‌م شیعره‌ی له‌ ته‌مه‌نی پیریدا دارِشتووه‌ , بۆیه‌ ده‌كریَت ئه‌م شیعره‌ به‌هۆی حیكمه‌تی هه‌نگاوی سه‌ره‌تاوه‌ نه‌بیَت ! , به‌ڵكو ئه‌مه‌ حیكمه‌تیَكی ساخته‌ و ناچاری ته‌مه‌نه‌ !؟ . كاتیَك چیتر له‌ توانایدا نامیَنیَت چیَژ وه‌ربگریَت له‌ له‌زه‌ته‌كانی جه‌نگ !! ؟ . ) .

ئه‌م ئه‌زمونه‌ی ته‌عدا لیَكردن نامۆ نییه‌ ته‌نانه‌ت به‌ گه‌لی كوردیش !؟ , له‌ لایه‌ن گه‌لانی دراوسیَیه‌وه‌ به‌ دریَژایی میَژوو . زۆر جاریش ده‌ستدریَژی سیَكسی و لاقه‌كردن به‌رده‌وام هه‌رِه‌شه‌ و كرداری پیاده‌ كراو بووه‌ له‌ دژی تیَكۆشه‌رانی كورد و خه‌ڵكه‌ سڤیله‌ پاڵپشت و سه‌رچاوه‌كه‌ی , ئه‌گه‌ر خویَندنه‌وه‌یه‌كی ووردی ده‌رونی میَژوویی بكه‌ین بۆ سه‌رجه‌م ده‌ستدریَژیه‌كانی ئه‌و نه‌ته‌وانه‌ بۆ سه‌ر كورد , بۆمان ده‌رده‌كه‌ویَت كه‌ رِاسته‌ ئاو و له‌وه‌رِ و زه‌وی به‌پیت و دارایی باش هۆكار بووه‌  , به‌ڵام هۆكاری تریش هه‌یه‌ كه‌ كه‌متر نه‌بووه‌ له‌ هۆكاری ئابوری !؟ . گرنگترینیشیان تایبه‌تمه‌ندی كه‌سایه‌تی كورد بووه‌ به‌ دریَژایی میَژوو , ئاستی به‌رزی كه‌سایه‌تیه‌كه‌ی و نه‌خزانه‌ ناو زه‌لكاوه‌كانی ئاره‌زوی ئاژه‌ڵانه‌وه‌ كه‌ ئه‌و گه‌لانه‌ گیرۆده‌ی بوبوون , و به‌هاكانی تری كه‌ به‌ شیَوه‌یه‌كی نكوڵی لیَنه‌كراو دوژمنانیشی ده‌ركیان پیَ كردووه‌ و كوردی جودا كردۆته‌وه‌ له‌و گه‌لانه‌ و بووه‌ته‌ مایه‌ی ئیره‌یی پیَ بردنی ؟ , ئه‌و به‌ها و تایبه‌تمه‌ندیانه‌ سه‌ره‌نجی دوژمنانی رِاكیَشاوه‌ و پیَشبرِكیَیان كردووه‌ بۆ ئه‌وه‌ی وه‌كو كورد , بگه‌نه‌ ئاسته‌ به‌رزه‌كانی ! . به‌ڵام ئه‌و خۆرِاگرییی و سوور بونه‌ی كوردیان نه‌بووه‌ بۆ به‌رده‌وام بوون و شكستیان خواردووه‌ ؟! . بۆیه‌ به‌ دریَژایی میَژوو له‌ هه‌وڵ و له‌شكر كیَشیدان بۆ ئه‌وه‌ی كورده‌كان له‌ رِیَگه‌ی داگیر كاریه‌وه‌ دابه‌زیَنن بۆ ئاستی نزمی خۆیان !؟ . له‌ خویَندنه‌وه‌ی میَژودا بۆ له‌شكر كیَشی نه‌ته‌وه‌كانی ده‌وروبه‌ر بۆ سه‌ر كورد , بنه‌مای پاڵنه‌ره‌كان هه‌موو جاریَك  ئیره‌یی و چاوچنۆكیه‌ , هه‌موو جاریَكیش ئه‌و له‌شكر كیَشیانه‌ به‌ پاساوی گه‌یاندنی نامه‌یه‌كی ئاینی نویَ بووه‌ !!؟ . چی ئه‌و ئاینه‌ گوایه‌ ئاسمانییه‌ یان تایه‌فییه‌ یان بیروبۆچونیَكی دونیاییه‌ ( ئه‌مه‌یان هه‌رچه‌ند به‌ رِه‌واڵه‌ت نزیك بووه‌ له‌ بۆچونیَكی ئاینی به‌ڵام له‌ ناوه‌رِۆكدا , له‌ خزمه‌تی به‌رژه‌وه‌ندیه‌كانی ئه‌و نه‌ته‌وانه‌ و حوكمرِانیَتیه‌كانیاندا بووه‌ ) ؟ , ئیَمه‌ بۆ ئه‌م رِۆژگاره‌مان باش ده‌زانین كه‌ هه‌موو ئه‌و پاساوانه‌یان بیَبنه‌ما و پوچه‌ڵن ! , چونكه‌ رِاسته‌ كورد نه‌ته‌وه‌یه‌كی كیَو نشین بووه‌ , به‌ڵام نه‌ته‌وه‌یه‌كی كیَوی نه‌بووه‌ و دوور بیَت له‌ شارستانیه‌ت ؟! . به‌ڵكو له‌ ئه‌زمونی خۆیه‌وه‌ له‌و كیَوانه‌ یه‌كه‌م ئاشی هارِینی دانه‌ویَڵه‌ و یه‌كه‌م ده‌ستارِی ساوه‌ر و چه‌ڵتوكی دروست كردووه‌ له‌ میَژوی مرۆڤایه‌تیدا ؟! , هه‌ر نه‌ته‌وه‌یه‌كیش داهیَنانی دروست كرد له‌ خواردنه‌كه‌یدا و دوور كه‌وته‌وه‌ له‌ شیَوازی خۆراكی ئاژه‌ڵ ,  وه‌ پیَداویستیه‌كانی لاوازی و سنورداری خواردنی منداڵ و نه‌خۆش و پیر و به‌ساڵا چووانی له‌به‌ر چاوو گرت , ئه‌وا نه‌ته‌وه‌یه‌كی شارستانییه‌ و پیَشكه‌وتوو تر بووه‌ له‌و دراوسیَیانه‌ی كه‌ تا دوای ئه‌و سه‌رده‌مه‌ش نه‌یانزانیوه‌ چۆن گه‌نم ده‌كریَت به‌ ئارد !؟ . به‌ڵگه‌ی ئه‌م رِاستیه‌ش شویَنه‌واره‌ میَژوویه‌كان و ئه‌فسانه‌ ئاینیه‌كان پشترِاستی ده‌كه‌نه‌وه‌ ؟ , ئه‌وه‌تا یه‌كه‌م شارستانیه‌ت له‌ عیَراقی كۆن و ناوچه‌كه‌دا , له‌ پاش پاشه‌كشه‌ی چاخی به‌سته‌ڵه‌كی چواره‌م و ئه‌و كاتانه‌ی كه‌ ناوچه‌كانی بیَت ماكان و زه‌وی ده‌ لمۆن ( ووڵاتی كوه‌یتی ئیَستا و ووڵاتی به‌حره‌ین ! ) هیَشتا له‌ ژیَر ئاودا بوونه‌ و ده‌شتی نیشته‌نی ئیَستا ( سهل الرسوبی ) هیَشتا دروست نه‌بووه‌ به‌ته‌واوه‌تی ؟! . باپیره‌ گه‌وره‌كانی كورد به‌هۆی توانای پیتاندنی به‌هیَز و زاوزیَ ( له‌ دوا ئاماری جیهانیشدا ده‌ركه‌وت كه‌ به‌رزترین رِیَژه‌ی پیتاندن – خسوبه‌ , له‌ ناوچه‌كه‌ و جیهاندا له‌ كوردستاندایه‌ , و ئه‌م رِاستییه‌ میَژویه‌ش تا ئیَستا یه‌كیَكه‌ له‌ خاڵه‌كانی رِق و ئیره‌یی پیَبردن له‌لایه‌ن نه‌ته‌وه‌كانی دراوسیَوه‌ , ئه‌مه‌ش به‌ خاڵیَكی تری پاڵنه‌ر بۆ دژایه‌تی كردنی به‌رده‌وام داده‌نریَت له‌ داهاتودا !؟ ) شۆرِبونه‌ته‌وه‌ بۆ لیَواره‌كانی ده‌ریا و پیَده‌شته‌ تازه‌ دروست بووه‌كانی لای پاریَزگای دیالای ( بعقوبه‌ ) ى ئیَستا و له‌ویَ یه‌كه‌م شارستانیه‌تی گه‌وره‌یان دروست كردووه‌ كه‌ شارستانیه‌تی ئاشنۆنایه‌ و ناوه‌كه‌شی له‌ ئاشی حه‌زره‌تی نوحه‌وه‌یه‌ ( كه‌واته‌ به‌ ئیستینتاجی ئه‌قڵی نه‌وه‌كانی نوح پاش گیرسانه‌وه‌ی كه‌شتیه‌كه‌ی له‌ چیاكانی كوردستاندا لانكه‌ی مرۆڤایه‌تی نویَی و جۆره‌كانیان پاراستووه‌ و زاوزیَیان كردووه‌ , كاتیَكیش كه‌ به‌رهه‌م به‌هۆی زیادی رِیَژه‌ی دانیشتوان به‌شی نه‌كردوون ؟! . یه‌كتریان نه‌خواردووه‌ وه‌كو ئاژه‌ڵ ؟ , و ئیغتیساب و سلب و نه‌هبی یه‌كتر بكه‌ن , وه‌كو كلتور و بنه‌ماكانی غیره‌ت و پیاوه‌تی لای نه‌ته‌وه‌كانی دراوسیَ !؟ , به‌ڵكو كۆچیان كردووه‌ به‌ره‌و پیَده‌شته‌كانی خوارتر و یه‌كه‌م هه‌نگاو ئاشنۆنایان ( ئاشی – نه‌واه‌ یان ئاشی نه‌وه‌كانی نوح ) ئاوه‌دان كردۆته‌وه‌ كه‌ ئیَستا به‌ پاریَزگای دیالى ناسراوه‌ و نزیكترین پیَده‌شته‌كانی كوردستانه‌ و تا ئیَستاش له‌ ناوچه‌ی لورِستانی كوردستانی گه‌وره‌دایه‌ ؟ ! . له‌ كۆتاییدا ده‌ڵیَم به‌ دریَژایی میَژوش , ئه‌و چاوچنۆكانه‌ی دوور و نزیك (  چی له‌ ئه‌نفالی ئیسلامی عه‌ره‌بی و ئیسلامی سه‌فه‌وی و عوسمانی و ئه‌تاتۆركی و تا دوای ئه‌نفالی عروبه‌ی ئیسلامیش !؟ ) ! , هه‌رچه‌ند ئامرازی دڵرِه‌ق و بیَبه‌زییانه‌یان خستبیَته‌ كار , به‌ رِق و كینه‌ , له‌و ئاستی به‌رزی شارستانیه‌ته‌ی مادی و مه‌عنه‌وی كه‌ كوردی پیَ ناسراو بووه‌ , به‌ ده‌ستدریَژی و لاقه‌كردنیشه‌وه‌ !؟ , نه‌یانتوانیوه‌ له‌ سه‌ربه‌رزی  كه‌سایه‌تی كورد بده‌ن و ئاستی به‌رزی مرۆڤایه‌تی دابه‌زیَنن بۆ ئاستی ئاژه‌ڵانه‌ی خۆیان . .

ئیغتیساب له‌ زمانی گه‌لانی دراوسیَدا زۆر لایه‌ن ده‌گریَته‌وه‌ تا ئه‌و رِاده‌یه‌ی بووه‌ به‌ ووشه‌ و له‌ ئه‌نجامیشدا كرداریَكی ئاسایی و شیاو ؟ . بۆ نمونه‌ له‌ زمانی عه‌ره‌بیدا ئیغتیساب بۆ رِیَگری به‌كار دیَت و له‌ كلتوریاندا كراداریَكی شیاوه‌ و رِۆشنایی ده‌خاته‌ سه‌ر پیَگه‌یه‌كی كۆمه‌ڵایه‌تی به‌رز و ئازایه‌تیه‌كی نا ئاسایی !؟ . هه‌روه‌ها به‌كار ده‌هیَنریَت بۆ ده‌ست گرتن به‌سه‌ر ماڵی خه‌ڵكدا ( پرۆسه‌ی ئه‌نفال ) وه‌ ئه‌مه‌ش به‌ كرداریَكی شیاو ئه‌ژمار ده‌كریَت به‌رامبه‌ر ژیَركه‌وتوانی ناكۆكی و دوبه‌ره‌كایه‌تیه‌كان !؟ . یان بۆ قۆرخ كردنی ده‌سه‌ڵات و به‌كار هیَنانی جۆره‌كانی تری ئیغتیساب به‌مه‌به‌ستی پاریَزگاری كردن له‌ ده‌سه‌ڵات و نه‌هیَشتنی توانای كرده‌ی رِوبه‌رِوبونه‌وه‌ !؟ . زاراوه‌كه‌ زۆر و له‌ته‌مه‌نیَكی منداڵیدا به‌كار دیَت ؟ , بۆ نمونه‌ منداڵی كورد ئه‌ڵیَ شته‌كه‌ی بردم یان شته‌كه‌می دزی . به‌ڵام بۆ هه‌مان هه‌ڵویَست منداڵی عه‌ره‌ب ئه‌ڵیَ ئیغتیسبنی یان سلبنی ؟! . بۆیه‌ هه‌ر له‌و ته‌مه‌نه‌وه‌ له‌ كلتوریاندا ئه‌م كاره‌ قیَزه‌وه‌نه‌ هه‌مه‌لایه‌نه‌ ده‌بیَته‌ كرداریَكی ئاسایی و مایه‌ی شۆك نییه‌ ؟ , به‌ڵكو چاوه‌رِوانكراوه‌ . .

شیاوترین تیۆریه‌كان بۆ شیكاری هۆكاری ئیغتیساب , ئه‌و تیۆریانه‌یه‌ كه‌ جه‌خت ده‌كه‌نه‌وه‌ له‌سه‌ر ئه‌وه‌ی كه‌ كه‌سی ئه‌نجامده‌ری سیَكسی زۆرداری , گیرۆده‌ی نه‌هامه‌تی پشیَوی - شڵه‌ژانی ده‌رونیه‌ و پشیَویه‌ ده‌رونیه‌كه‌شی له‌ یه‌كیَك له‌م سیَ بواره‌دایه‌ : -

• پشیَوی ده‌رونی توندوتیژی . له‌م حاڵه‌ته‌دا لاده‌ره‌كه‌ سیَكسی زۆرداری ئه‌نجام ده‌دات به‌ مه‌به‌ستی دابین كردنی ئاره‌زوی توندوتیژی و شه‌رِئانگیَزی – عدوان , وه‌ ئه‌مه‌شیان پاڵنه‌ره‌ بنه‌رِتیه‌كه‌یه‌تی نه‌ك پاڵنه‌ری سیَكسی !!؟ .

• پشیَوی ده‌رونی پیَنه‌گه‌یشتن ؟ . له‌م حاڵه‌ته‌شدا كه‌سی پیَنه‌گه‌یشتوو ( له‌به‌ر ئه‌وه‌ی ئامرازه‌كانی خۆگونجاندنی مرۆڤایه‌تیانه‌ی پیَشنه‌كه‌وتووه‌ بۆ ئاستی مرۆڤایه‌تی , وه‌كو هه‌موو لایه‌نه‌كانی پیَنه‌گه‌یشتنی ) له‌ به‌رگری به‌رامبه‌ر و قه‌بوڵ نه‌كردنی ده‌ترسیَت ( چونكه‌ له‌ نه‌ستدا هیچ تایبه‌تمه‌ندی و به‌هایه‌كی به‌نرخی نییه‌ بۆ شانازی پیَوه‌كردن و پاراستنی !!؟ ) , بۆیه‌ توندوتیژی پیاده‌ ده‌كات بۆ خزمه‌تكرنی مه‌به‌سته‌ سیَكسیه‌كه‌ی ..

• پشیَوی ده‌رونی سایكۆپاس . لیَره‌شدا كه‌سی سایكۆپاس پیَویستی به‌ توندوتیژی و شه‌رِئانگیَزیه‌ به‌ مه‌به‌ستی دابین كردنی كرداری سیَكسی . له‌ هه‌موو بواره‌كانی ژیاندا كه‌سیَكی دژه‌ كۆمه‌ڵگا و به‌ها پیرۆزه‌كانه‌ ؟ , به‌ڵام بۆ ماوه‌یه‌كی كاتی ئه‌مانه‌ كۆمه‌ڵیَكی تاوانكاری دروست ده‌كه‌ن له‌ حاڵه‌ته‌كانی بانده‌كانی دزی و رِاورِوت و كوشتن ؟ , یان له‌ جه‌نگه‌ ناوخۆیی و ده‌ره‌كیه‌كاندا و له‌وانه‌یه‌ خۆیان وه‌كو كه‌سیَكی پاریَزه‌ری ئایدیا و مۆراڵ و ئاكار نمایش بكه‌ن كه‌ بچوكترین بنه‌ماكانی نازانن و پیاده‌ ناكه‌ن ؟! . تاكه‌ خاڵی یه‌كگرتنیشیان له‌و كۆمه‌ڵ و باندانه‌دا , ده‌روازه‌ كراوه‌كانی توندوتیژی و كرداره‌ دوور له‌ به‌ها و ئاكاره‌ پیرۆزه‌كانه‌ .
ئه‌م حاڵه‌تانه‌ی سه‌ره‌وه‌ش زۆرجار كرداری سیَكسی زۆرداری هاوكات له‌گه‌ڵ كرداری ئازاردانی مه‌ترسیدار و كوشتنی لیَده‌كه‌ویَته‌وه‌ , له‌ زۆربه‌ی كه‌یسه‌كانیشدا هه‌موو پرۆسه‌كه‌ پیَكهاته‌ی یه‌ك كرداره‌ له‌ رِوانگه‌ی تویَژینه‌وه‌ و لیَكۆڵینه‌وه‌وه‌ . .
ئیغتیساب – سیَكسی زۆرداری , ئه‌و حاڵه‌ته‌یه‌ كه‌ تیایدا كه‌سه‌كه‌ ( به‌ شیَوه‌یه‌كی گشتی نیَرینه‌یه‌ ) په‌یوه‌ندیه‌ سیَكسیه‌كه‌ی به‌ زۆرداری و به‌بیَ ویست و رِزامه‌ندی كه‌سه‌كه‌ی تر ده‌سه‌پیَنیَت به‌سه‌ریدا , به‌ڵام پیَناسه‌ی یاسایی په‌یوه‌ندییه‌كه‌ به‌ سیَكسی زۆرداری ئه‌ژمار ده‌كات ته‌نانه‌ت ئه‌گه‌ر رِه‌زامه‌ندی جه‌مسه‌ری وه‌رگر یان بكه‌ری له‌سه‌ر بوبیَت , به‌ مه‌رجیَك ئه‌و جه‌مسه‌ره‌ وه‌رگر یان بكه‌ره‌ له‌ پرۆسه‌كه‌دا ؟ , ئاستی تیَگه‌یشتن و ده‌رككردنی لاواز یان نه‌شیاو بیَت , بۆ نمونه‌ سیَكسكردن له‌گه‌ڵ منداڵ و نه‌وجواناندا له‌ هه‌ردوو رِه‌گه‌ز , یان كاتیَك كه‌سه‌كه‌ی تر ئاستی ژیری نزمه‌ یان پشیَوی ئه‌قڵی له‌گه‌ڵدایه‌ . شایانی باسه‌ هه‌رچه‌ند زۆربه‌ی په‌یوه‌ندیه‌ سیَكسیه‌كانی هاوسه‌ره‌كان له‌ كۆمه‌ڵگای خۆماندا جۆریَكه‌ له‌ سیَكسی زۆرداری , به‌تایبه‌تی له‌ سه‌ره‌تاكانی ژیانی هاوسه‌رگیریدا ( ئه‌مه‌ش زۆربه‌ی پرۆسه‌ هاوسه‌رگیریه‌كان ده‌گریَته‌وه‌ ) , به‌ڵام دارِیَژه‌ری یاسایی , كرداره‌ سیَكسیه‌ زۆرداریه‌كانی نیَوان ژن و میَردی نه‌خستۆته‌ چوارچیَوه‌ی سیَكسی زۆرداریه‌وه‌ ؟ , ته‌نها به‌هۆی به‌ڵیَننامه‌ی هاوسه‌رگیریه‌كه‌وه‌ ! , كه‌ له‌ زۆر حاڵه‌تدا ئافره‌ته‌كه‌ هه‌ر ئاگای لیَنه‌بووه‌ ( به‌ منداڵی ماره‌ كراوه‌ یان له‌ بریتی خویَن خۆشكردندا ......) . به‌ لای ئیَمه‌ی تویَژه‌ره‌وه‌ نه‌ك ته‌نها ئه‌م تیَبینیه‌ به‌ڵكو چه‌نده‌ها كه‌له‌به‌ریش له‌ كلتور و ئه‌قڵی ده‌سته‌ جه‌معیماندا كه‌ هه‌مویی هانده‌ره‌ بۆ سیَكسی زۆرداری و پیَشیَلكاری مافی ئافره‌ت !؟ , بۆ نمونه‌ داب و نه‌ریتی كۆمه‌ڵایه‌تی رِاسته‌وخۆ و نارِاسته‌وخۆ ده‌ستخۆشی و پشتگیری ده‌كه‌ن له‌ سیَكسی زۆرداری نیَوان ژن و میَرده‌كان !؟ , له‌وانه‌یه‌ بچوكترین نمونه‌ش له‌ كۆمه‌ڵگای كوردیدا گرنگیَتی په‌رِۆی خویَناوی په‌رده‌ی بوكیَنی بیَت ( كه‌ گرنگی په‌رِۆی شرِی حیزبه‌كانی هه‌یه‌ لای هه‌ندیَك خه‌ڵك !! ) له‌ شه‌وی یه‌كه‌مدا ئه‌و په‌رِۆیه‌ پیَویسته‌ و جه‌خت ده‌كریَته‌وه‌ له‌سه‌ر بینینی به‌ هه‌ر نرخیَك بیَت !!؟ . .

سیَكسی زۆرداری پۆلین ده‌كریَت به‌سه‌ر چوار جۆری سه‌ره‌كیدا به‌ پیَی پاڵنه‌ره‌كانی ئه‌نجامده‌ره‌كه‌ی , و هه‌ر یه‌كیَك له‌و جۆرانه‌ كۆمه‌ڵیَ حاڵه‌تی سیَكسی زۆرداری له‌خۆ ده‌گریَت : -

• جۆری یه‌كه‌م ئه‌و حاڵه‌تانه‌ له‌خۆ ده‌گریَت كه‌ سیَكسی زۆرداری تیَیدا هه‌وڵیَكه‌ بۆ رِازیكردن یان دابین كردنی ئاره‌زویه‌كی سیَكسی سه‌ركه‌ش ( جامح ) . ئه‌م جۆره‌شیان زیاتر رِوو ده‌دات له‌لایه‌ن ئه‌و كه‌سانه‌وه‌ كه‌ به‌ په‌رۆش و هه‌ڵچونه‌وه‌ ته‌كانده‌ده‌ن به‌ هیَزیَكی سیَكسی سه‌ركه‌شه‌وه‌ و توانای دواخستنی نییه‌ .

• جۆری دووه‌م له‌و كه‌سانه‌دا ده‌رده‌كه‌ویَت كه‌ تایبه‌تمه‌نیَتی كه‌سایه‌تیان شه‌رِئانگیَز و توندوتیژه‌ , ئه‌مانه‌شیان پاڵنه‌ره‌كانیان به‌هیَزه‌ بۆ سیَكسی زۆرداری , وه‌كو ده‌ربرِینیَك بۆ هیَزی پاڵنه‌ره‌كانی ئازاردان و شه‌رِئانگیَزی له‌ ده‌رونیاندا .

• جۆری سیَهه‌میان , سیَكسی زۆرداری كه‌سی سادیه‌ – سادیزم , كه‌ ناتوانیَت بگاته‌ ئاسوده‌یی و چیَژی سیَكسی ئه‌گه‌ر ئازاردان پیاده‌ نه‌كات به‌ سیَكسی زۆرداری .

• جۆری چواره‌میان , ئه‌و سیَكسی زۆرداریه‌یه‌ كه‌ خاوه‌ن كه‌سایه‌تیه‌ سایكۆپاسه‌كان ئه‌نجامی ده‌ده‌ن . ئه‌وانه‌ی كه‌
ناسراون به‌ تایبه‌تمه‌ندیَتی و نیشانه‌ دژه‌ كۆمه‌ڵایه‌تیه‌كانیان , ( چه‌ند كه‌سیَكی له‌م شیَوازه‌مان لابوو له‌ زیندان هه‌ندیَكیان باندی سایكۆپاس بوون . له‌ یه‌كیَك له‌ تاوانه‌كانی باندیَكی سیَ كه‌سیدا , پیره‌ژنیَكی كوردیان كوشتبوو به‌ به‌رد كیَشان به‌سه‌ر و لاشه‌یدا ( به‌ ووته‌ی خۆیان ) پاش ئه‌وه‌ی سیَكسیان له‌گه‌ڵ كردبوو , هه‌ر سیَ كه‌سه‌كه‌ و پاش چه‌ند ساڵیَك مامه‌ڵه‌ی رِۆژانه‌ له‌گه‌ڵیاندا ده‌ركه‌وت كه‌ , له‌ خیَزانه‌ شیرازه‌ برِاوه‌كان بوون و ئه‌زمونیان هه‌بوو له‌ منداڵیدا له‌گه‌ڵ توندوتیژی و شه‌رِئانگیَزی و كوشتن , پاشتریش له‌ ناوه‌رِاستی نه‌وه‌ده‌كانی سه‌ده‌ی رِابوردووه‌ وه‌ ژیانی چه‌كداریان هه‌ڵبژاردبوو !!؟ . ) . سیَكسی زۆرداری سایكۆپاسه‌كان به‌شیَكه‌ له‌ تیَكرِای هه‌ڵسوكه‌وت و كرداری ناكۆمه‌ڵایه‌تیان , زۆر جار پیَشه‌كیه‌كی پیَویسته‌ لایان و ئه‌گه‌ری كوشتنی قوربانیه‌كه‌ی لیَده‌كه‌ویَته‌وه‌ وه‌كو لاده‌ره‌ سادیه‌كان .

 سزادراوانی سایكۆپاسی سیَكسی و سادیه‌كان له‌ زیندانه‌كاندا پیَویسته‌ پۆلین بكریَن به‌ مه‌به‌ستی چاره‌سه‌ركردن , و رِه‌چاو كردنی  پرۆسه‌ی چاكسازی و پاراستنی سزادراوانی تر له‌ ده‌ستدریَژیه‌كانیان . زۆر جار ئه‌و پۆلین كردنه‌ له‌سه‌ر بنه‌مای جۆر و شیَوازی كرداره‌ سیَكسیه‌ تاوانكاریه‌كانیانه‌وه‌ سه‌رچاوه‌ هه‌ڵده‌گریَت , یان له‌سه‌ر بنه‌مای كه‌سایه‌تیه‌ تاوانكاریه‌كه‌یان و به‌پیَی بنه‌ماكانی زانستی سزا و مامه‌ڵه‌ی تاوانكاران هه‌ڵسوكه‌وتیان له‌گه‌ڵ بكریَت له‌ زیندانه‌كاندا .

 ئه‌و سزادراوه‌ سیَكسیانه‌ی كه‌ تاوانی سیَكسی زۆرداریان ئه‌نجامداوه‌ له‌گه‌ڵ توندوتیژی جه‌سته‌یی كاریگه‌ر یان به‌زۆر و هه‌رِه‌شه‌ ملكه‌چكردنی قوربانیه‌كه‌ یان كوشتنی پاش و پیَش سیَكسكردن !؟ . له‌وانه‌یه‌ كرداره‌كانیان یه‌كه‌م جار بیَت و پیَشینه‌ی تاوانكاریان نه‌بیَت ! , ( هه‌رچه‌ند زۆربه‌یان ئه‌زمونیان هه‌یه‌ له‌ لادان و تاواندا ! , رِیَژه‌یه‌كی كه‌م و تایبه‌ت نه‌بیَت ؟ ) . ئه‌م تاوانكارانه‌ پیَویستیان به‌ چاره‌سه‌ری ده‌رونی تاك كه‌سی دریَژخایه‌ن ده‌بیَت .

وه‌ بۆ ئه‌و تاوانباره‌ سیَكسیانه‌ی كه‌ تاوانی زینای هاوخویَنه‌كانیان ئه‌نجام داوه‌ ( زینای مه‌حارم ) , یان سیَكسی زۆرداری
له‌گه‌ڵ منداڵان به‌بیَ به‌كارهیَنانی توندوتیژی جه‌سته‌یی و هه‌رِه‌شه‌ی به‌مه‌به‌ست ملكه‌چكردن ! ( له‌وانه‌یه‌ منداڵه‌كه‌ ده‌رك نه‌كات ئه‌و لاده‌ره‌ چی لیَده‌كات و رِوبه‌رِوی نه‌بوه‌ته‌وه‌ یان خه‌ڵافاندویه‌تی به‌ كۆتر و شتی تر یان هه‌ر حاڵه‌تیَكی تر كه‌ پیَویستی نه‌كردووه‌ بۆ به‌كار هیَنانی ئازاردان و هه‌رِه‌شه‌ .... ) . هه‌ندیَك له‌م تاوانبارانه‌ له‌وانه‌یه‌ پیَشینه‌ی تاوانكاری هاوشیَوه‌ی نه‌بیَت یان ئاشكرا نه‌بووه‌ ؟ , به‌ڵام له‌وانه‌یه‌ هه‌ندیَكیان هه‌مان تاوان دووباره‌ بكاته‌وه‌ پاش ئازادكردنی . ئه‌مانه‌شیان پیَویستیان به‌ چاره‌سه‌ری ده‌رونی قوڵ و چرِ هه‌یه‌ ( زۆرجار له‌ تاوتویَ كردنی میَژوی ژیانیدا ده‌گه‌ین به‌و رِاستیه‌ی كه‌ تاوانكاره‌كه‌ , ده‌ستدریَژی سیَكسی كراوه‌ته‌ سه‌ر و ئه‌مه‌ش رِۆشنایی ده‌خاته‌ سه‌ر لادانه‌كه‌ و خزمه‌تی پرۆسه‌ی چاره‌سه‌ركردن ده‌كات ) . یان ئه‌م لاده‌ره‌ تاوانكارانه‌ پیَویستان به‌ چاره‌سه‌ری ده‌رونی تاك كه‌سی قوڵ یان چاره‌سه‌ری به‌كۆمه‌ڵ هه‌یه‌ ؟ .
 بۆ جۆره‌كانی تری لادانه‌ سیَكسیه‌كان یان ئه‌و تاوانبارانه‌ی كه‌ تاوانه‌ سیَكسیه‌كانیان مه‌ترسیدار نییه‌ ( له‌شفرۆشی یان سیَكس ئاراسته‌ی كه‌سه‌ پیَگه‌یشتوو وه‌ گه‌وره‌كان كراوه‌ به‌ ویستی هه‌ردوو لایان , یان هه‌ر پرۆسه‌یكی تری سیَكس كه‌ توندوتیژی و هه‌رِه‌شه‌ و ملكه‌چكردنی تیَدا نیه‌ ....) ئه‌مانه‌یان به‌ شیَوه‌یه‌كی گشتی له‌ زینداندا پیَویستیان به‌ مامه‌ڵه‌ و چاره‌سه‌ری تایبه‌ت نییه‌ .

به‌ڵام زۆربه‌ی تاوانكاره‌ لاده‌ره‌ سیَكسیه‌كان و ئه‌م جۆره‌ی خواره‌وه‌شیان , پاش ئازاد كردنیان له‌ زیندانیش پیَویسته‌ له‌ ژیَر چاودیَری دادوه‌ری و ده‌رونیدا بن و له‌ زیندانه‌كانیشدا ماوه‌ی سزاكانیان له‌ ژووره‌ تاك كه‌سیه‌كاندا به‌سه‌ر ببه‌ن ؟! , ته‌نها ماوه‌ی چالاكیه‌ گشتیه‌كان نه‌بیَت یان كاتی نان خواردن یان كاتی چاره‌سه‌ری به‌كۆمه‌ڵ .

به‌پیَی Fox Vernon له‌ كتیَبی Introduction to Correction – لاپه‌رِه‌ 294 . زیاتر له‌ ( 37 ) ویلایه‌ت له‌ ویلایه‌ته‌ یه‌كگرتوه‌كانی ئه‌مریكا , وه‌ له‌ ساڵی ( 1933 ) وه‌ , چه‌نده‌ها یاسایان دارِشتووه‌ بۆ مامه‌ڵه‌ی تایبه‌تی تاوانكاری سیَكسی سایكۆپاس , و به‌پیَی ئه‌م یاسایانه‌ ئه‌م تاوانبارانه‌ ده‌نیَردریَن بۆ نه‌خۆشخانه‌ ئه‌قڵیه‌كان بۆ چاره‌سه‌ر پاش ئه‌وه‌ی حاڵه‌تی نه‌خۆشینه‌كانیان ده‌ستنیشان ده‌كریَت , وه‌ بۆیان ئاشكرا ده‌بیَت كه‌ ئه‌قڵیان له‌ده‌ست نه‌داوه‌ !؟ . وه‌ توشی بیركڵۆڵی – تخلف عقلی نه‌بوون . . . , به‌ڵام شڵه‌ژانیَكی ئه‌قڵیان له‌گه‌ڵدایه‌ وابه‌سته‌یه‌ به‌ ئاره‌زویه‌كی به‌هیَز بۆ ئه‌نجامدانی تاوانی سیَكسی زۆرداری جار له‌دوای جار . هه‌ر به‌پیَی ئه‌و سه‌رچاوه‌یه‌ی سه‌ره‌وه‌ ئه‌م جۆره‌یان ئازاد ناكریَت له‌ زیندان ته‌نانه‌ت كه‌ ماوه‌ی سزاكه‌شی ته‌واو ده‌كات !؟ , ته‌نها ئه‌و كاته‌ ئازاد ده‌كریَت كه‌ ده‌سه‌ڵاتی دادوه‌ری دڵنیا ده‌بیَت كه‌ تاوانباره‌كه‌ چاره‌سه‌ری ته‌واوه‌تی بۆ كراوه‌ و چیتر مه‌ترسی نییه‌ له‌سه‌ر كۆمه‌ڵگا و تاكه‌كانی .  .

5. سیَكسكردن له‌گه‌ڵ هاوخویَنه‌كاندا - زینای محرمات ؟ .

Comments (1)Add Comment
0
slaw
written by bashmaxy hemn , January 28, 2011
babatkatan jegay pezaniny hawllatiana
report abuse
vote down
vote up
Votes: +0

Write comment

busy
  Newer:

په‌یڤی کلیک

بیرکردنه‌وه‌ له‌ کاری چاک ، مرۆڤ به‌ره‌و کردنی ده‌بات- ئیمام عه‌لی

په‌یڤه‌ زیندووه‌کان